یاد کردے رہو زُلف محبوب دی، ول مقدر دے سارے نکل جان گے
کملی والے دے ناں دا وظیفہ کرو، سارے تقدیر دے وار ٹل جان گے
Yad karde raho zulf mehboob di, wal muqaddar de sare nikal jaan ge
Kamli wale de naan da wazifa karo, sare taqdeer de waar tal jaan ge
جہیڑا غاراں چ رویا اے ساڈے لئی، اوہدی فُرقت چ اتھرو بہایا کرو
سرد نار جہنم نوں کر دین گے، اشک جہیڑے وی پلکاں تو ڈھل جان گے
JeheRa gharaan ch roya ae saday laee, ohdi furqat ch athru bahaya karo
Sard naar jahannum nu kar dein ge, ashk jehray vi palkaan to dhal jaan ge
صدقہ حسنین دا آ وی جا سوہنیا، پیاس تشنہ نظر دی بجھا سوہنیا
جام ملیا جے ناں تیرے دیدار دا، نین ہنجواں چ ڈبے وی جل جان گے
Sadqa Husnain da aa vi ja sohneya, pyaas tishna nazar di bujha sohneya
Jaam miliya je naan tere deedaar da, nain hanjwaan ch dabay vi jal jaan ge
میں کی کرناں ایں دُنیا چ نام و نشاں، بن کے ذرے غُبار مدینہ بناں
اوہدے پیراں دیوچ جہیڑے رُل جان گے، تاریاں نال ذرے اوہ رل جان گے
Mein ki karna e duniya ch naam o nishan, ban ke zarray ghubar Madina banan
Ohde pairaan de wich jehray rul jaan ge, tariyaan naal zarray oh rul jaan ge
بُھل جا جُرماں گناہواں خطاواں دی گل، ویکھ دوہاں جہاناں دی رحمت دے ول
جے نہیں چنگے عمل چل مدینے نوں چل، کھوٹے سکے وی طیبہ چ چل جان گے
Bhul ja jurmaan gunahaaan khatawaan di gal, wekho dohaan jehanan di rehmat de wal
Je nahi changay amal chal Madine nu chal, khoTay sake vi Taiba ch chal jaan ge
ہر طرف غم تے دُکھاں دا طوفان ایں، کملی والا بچاوے گا ایمان ایں
عاشقاں دا نئیں سکد اعقیدہ بدل، دن بدل دے بدل دے بدل جان گے
Har taraf gham te dukhhan da toofan ae, Kamli wala bachave ga imaan ae
Aashiqaan da naeen sakda aqeeda badal, din badal de badal de badal jaan ge
خوف صائم نوں دوزخ دی کی نار دا، میں ہاں بندہ رسولاں دے سردار دا
کملی والا چُھڑا دے گا محشر دے دن، جد گنہگار قیدی مچل جان گے
Khauf Saaim nu dozakh di ki naar da, mein haan banda rasoolan de sardar da
Kamli wala chhura de ga mahshar de din, jad gunahgaar qaidi machal jaan ge
Share This Naat
Share with friends and family
یاد کردے رہو زُلف محبوب دی
علامہ صائم چشتی