نازشِ فن اور ادب کی چاشنی نعتِ نبی
ظلمتِ شعر و سخن کی چاندنی نعتِ نبی
Naazish-e-fann aur adab ki chaashni naat-e-Nabi
Zulmat-e-sher o sakhan ki chaandni naat-e-Nabi
بخشتی ہے فکر و فن کو روشنی نعت نبی
دور کر دیتی ہے ساری تیرگی نعتِ نبی
Bakshti hai fikr o fann ko roshni naat-e-Nabi
Door karr deti hai saari teeragi naat-e-Nabi
مصطفیٰ، شمس الضحیٰ، بدر الدجیٰ، نور الہدیٰ
سارے حرفوں میں ہے اک حرفِ جلی نعتِ نبی
Mustafa, Shams-ud-duha, Badr-ud-duja, Noor-ul-huda
Saare harfon mein hai ek harf-e-jali naat-e-Nabi
دم میں جب تک دم ہے ذکرِ مصطفی کرتے رہو
دیتی ہے ایمان کو اک تازگی نعتِ نبی
Dam mein jab tak dam hai zikr-e-Mustafa karte raho
Deti hai imaan ko ek tazgi naat-e-Nabi
نعت گوئی ہے عبادت، موجبِ برکت بھی ہے
بخشتی ہے شاعروں کو سر خوشی نعتِ نبی
Naat goi hai ibadat, mojib-e-barkat bhi hai
Bakshti hai shairon ko sar khushi naat-e-Nabi
اہلِ ایماں کو ملا کرتی ہے جس سے روشنی
ہاں وہی ہے اک چراغِ رہبری نعتِ نبی
Ahl-e-imaan ko mila karti hai jis se roshni
Haan wohi hai ek charagh-e-rehbari naat-e-Nabi
تیرے دامانِ کرم میں رحمتوں کے پھول ہیں
تیرے صدقے میں مصیبت ہے ٹلی نعتِ نبی
Tere daaman-e-karam mein rehmaton ke phool hain
Tere sadqe mein museebat hai tali naat-e-Nabi
تیرے بن سونی سی لگتی ہے ادبؔ کی انجمن
تجھ سے قائم ہے ادبؔ کی چاشنی نعتِ نبی
Tere bin sooni si lagti hai Adab ki anjuman
Tujh se qaim hai Adab ki chaashni naat-e-Nabi
قبر میں جلوہ دکھائیں جس گھڑی شاہِ امم
لب پہ ہو نعتِ نبی، نعتِ نبی، نعتِ نبی
Qabr mein jalwa dikhayen jis ghari Shah-e-umm
Lab pe ho naat-e-Nabi, naat-e-Nabi, naat-e-Nabi
سن کے بزمِ مصطفیٰ میں جھوم جاتے ہیں سبھی
ہے بڑی پُر کیف تیری نغمگی نعتِ نبی
Sun ke bazm-e-Mustafa mein jhoom jate hain sabhi
Hai badi pur kaif teri naghmagi naat-e-Nabi
نعتِ سرور شوق سے کرتے رہو احمدؔ رقم
باغِ جنّت میں تمہیں لے جائے گی نعتِ نبی
Naat-e-Sarwar shauq se karte raho Ahmad raqam
Baagh-e-jannat mein tumhein le jayegi naat-e-Nabi
Share This Naat
Share with friends and family
نازشِ فن اور ادب کی چاشنی نعتِ نبی
مولانا طفیل احمد مصباحی