خدا نے دل دیا دل کو خدا نبیؐ نے دیا
جو دسترس میں کسی کی نہ تھا نبیؐ نے دیا
Khuda ne dil diya dil ko khuda Nabiؐ ne diya
Jo dastsaras mein kisi ki na tha Nabiؐ ne diya
نئے اصول نئی زندگی نیا انساں
پُرانے دور کو سب کچھ نیا نبیؐ نے دیا
Naye usool nai zindagi naya insaan
Purane daur ko sab kuch naya Nabiؐ ne diya
بتوں کے شہر میں ظلم و ستم کی بستی میں
حرم کو جاتا ہوا رستہ نبیؐ نے دیا
Buton ke shehar mein zulm o sitam ki basti mein
Haram ko jata hua rasta Nabiؐ ne diya
حدیں پھلانگ گیا ہوں وجود کی اپنے
دیا تو عشق بھی بے انتہا نبیؐ نے دیا
Haden phlang gaya hoon wujood ki apne
Diya to ishq bhi be inteha Nabiؐ ne diya
کھڑا ہوں صف میں امیروں کی میں غریبِ عمل
مری طلب سے بھی مجھ کو سوا نبیؐ نے دیا
Khada hoon saf mein ameeron ki mein ghareeb-e-amal
Meri talab se bhi mujh ko sawa Nabiؐ ne diya
نگل لیے مرے اندر کے اژدہے جس نے
مرے شعور کو ایسا عصا نبیؐ نے دیا
Nigal liye mere andar ke azdahay jis ne
Mere shaoor ko aisa asa Nabiؐ ne diya
پیالہ ہوتا ہے خالی نہ پیاس بجھتی ہے
نہ جانے مجھ کو پیالے میں کیا نبیؐ نے دیا
Piyala hota hai khaali na pyas bujhtee hai
Na jane mujh ko piyale mein kya Nabiؐ ne diya
خدا کریم تو پیغمبرِ خدا بھی کریم
خدا نے جو بھی مظفر دیا نبیؐ نے دیا
Khuda Kareem to Paighambar-e-Khuda bhi Kareem
Khuda ne jo bhi Muzaffar diya Nabiؐ ne diya
Share This Naat
Share with friends and family
خدا نے دل دیا دل کو خدا نبیؐ نے دیا
مظفر وارثی