غم دیاں وا ورولیاں نے جند نمانی گھیر لئی
محبوباں دیا محبوبا آ جا تھوڑی دیر لئی
Gham diyan va varoliyan ne jind numani gher layi
Mehbooban diya mehbooba aa ja thori der layi
شام غماں دی مک دی ناہیں آس دا سورج نئیں چڑہدا
رو رو راتاں لنگدیاں نے خوشیاں بھری سویر لئی
Shaam ghaman di mukdi nahi aas da sooraj nahi chardha
Ro ro ratan langdiya ne khushiyan bhari swer layi
عزت شہرت دولت راحت جنت وی رب بخش دتی
کنیاں کرم نوازیاں نے مٹی دے اس ڈھیر لئی
Izzat shohrat dolat rahat jannat wi Rab bakhsh diti
Kinniya karam nawaziyan ne mitti de is dher layi
اوہدے گھر وچہ رحمت رب دی آن کے ڈیرا لالیندی
جس نے سوہنے دے ناں دی اک وی تسبیح پھیر لئی
Ohde ghar vichah rehmat Rab di aan ke deira laali di
Jis ne sohnay de naan di ik wi tasbih pher layi
کرم نوازیاں سوہنے نبی دیاں اپنیاں تک محدود نہیں
بن کے رحمت آیا اے سوہنا چار چوفیر لئی
Karam nawaziyan sohnay Nabi diyan apniyan tak mehdood nahi
Ban ke rehmat aya ae sohna char chofeer layi
قدماں دے وچہ سیس جھکایا گل نال لایا داتا نے
گنج کرم دے لے ٹریا خواجہ معین اجمیر لئی
Kadman de vichah sees jhukaya gal nal laya Data ne
Ganj karam de lay teria khawaja Moeen Ajmer layi
جے چاہویں تے پل دے اندر بدل دیندا اے تقدیراں
لیکھ جگاؤنے مشکل نئیں سلطان ہجویر لئی
Je chaavay te pal de andar badal diinda ae taqdeeran
Lekh jagaavne mushkil nahin Sultan Hujwair layi
رات دنے منگاں میں دعاواں راضی رئے لج پال نبی
جیوندی جانیں مرجاساں جے سوہنے اکھ پھیر لئی
Raat dine mangaan main duaawan raazi reye laj paul Nabi
Jiyondi janan mar jaana je sohnay akh pher layi
وگڑیاں بن جاون گیاں گلاں من لے گل نیازی دی
سوہنے نبی دی محفل وچہ بہہ جا تھوڑی دیر لئی
Vagariya ban jaavan gayan galaa man le gal Niazi di
Sohnay Nabi di mehfil vichah beh ja thodi der layi
Share This Naat
Share with friends and family
غم دیاں وا ورولیاں نے جند نمانی گھیر لئی
عبدالستار نیازی