شبِ سیاہ میں پُرنور ماہِ تمام آیا
پیامِ رب لیے نبیوں کا وہ امام آیا
Shab-e-siyah mein purnoor maah-e-tamam aaya
Payam-e-Rab liye Nabiyon ka woh Imam aaya
انہی کی نعت ہے آیاتِ میں بھی جلوہ فشاں
انہی کی شان میں اللہ کا کلام آیا
Inhin ki naat hai ayaat mein bhi jalwa fishan
Inhin ki shan mein Allah ka kalaam aaya
لیا جو نامِ محمد تو ٹل گئی مشکل
یہی وسیلہ مری مشکلوں میں کام آیا
Liya jo naam-e-Muhammad to tal gayi mushkil
Yahi waseela meri mushkilon mein kaam aaya
نبی کی یاد میں گزری ہے زندگی ساری
انہی کا ذکر مرے لب پہ صبح و شام آیا
Nabi ki yaad mein guzri hai zindagi saari
Inhin ka zikr mere lab pe subah o shaam aaya
ہے شہرِ نور یہاں سر کے بل چلے آؤ
نظر جھکا لو ادب کا ہے اب مقام آیا
Hai shehr-e-noor yahan sar ke bal chale aao
Nazar jhuka lo adab ka hai ab maqam aaya
بلا رہے تھے تجھے ناز حاضری کے لئے
سحر کے وقت مدینے سے یہ پیام آیا
Bula rahe the tujhe naz hazri ke liye
Saher ke waqt Madine se yeh payam aaya
Share This Naat
Share with friends and family
شبِ سیاہ میں پُرنور ماہِ تمام آیا
صفیہ ناز