سیرتِ نور سے ملا سب کو شعورِ زندگی
نوعِ بشر نے پا لیا رختِ سرورِ زندگی
Seerat-e-noor se mila sab ko sha'ur-e-zindagi
Noo'e bashar ne pa liya rakht-e-surur-e-zindagi
لمحے جو جی لیے گئے سنگِ درِ رسول پر
لمحے وہ چند ہی تو ہیں جانِ غرورِ زندگی
Lamhay jo ji liye gaye sang-e-dar-e-Rasool par
Lamhay woh chand hi to hain jaan-e-ghuroor-e-zindagi
روز و شبِ عجم کٹے لطفِ حیات سے پرے
کوئے رسول میں ہوئی رویتِ حورِ زندگی
Roz o shab-e-ajam katay lutf-e-hayat se paray
Kooye Rasool mein hui ru'yat-e-hoor-e-zindagi
فردِ عمل ضرور ہے میری سیاہ تر مگر
نعت سے ہے سجا ہوا بابِ زبورِ زندگی
Fard-e-amal zaroor hai meri siyah tar magar
Naat se hai saja hua bab-e-zaboor-e-zindagi
فرمان مصطفیٰ کا ہے میرا کہا ہوا نہیں
میرے نبی بنے نبی قبلِ ظہورِ زندگی
Farmaan-e-Mustafa ka hai mera kaha hua nahin
Mere Nabi bane Nabi qabl-e-zahoor-e-zindagi
جس کو مرے کریم نے حشر میں اپنا کہہ دیا
اس کے معاف ہو گئے سارے قصورِ زندگی
Jis ko meray Kareem ne hashr mein apna keh diya
Us ke maaf ho gaye sare kasoor-e-zindagi
دونوں جہاں میں سرخرو ہوں گے ضرور ایک دن
کر لیں اگر حضور کے تابع امورِ زندگی
Dono jahan mein surkhuru hon ge zaroor aik din
Kar lein agar Huzoor ke taabe amoor-e-zindagi
Share This Naat
Share with friends and family
سیرتِ نور سے ملا سب کو شعورِ زندگی
اشفاق احمد غوری