وِرد ہے مشکبار پھولوں کا
کملی والے کے چار پھولوں کا
Virad hai mushkbaar phoolon ka
Kamli walay ke chaar phoolon ka
خاکِ طیبہ جِسے میسر ہو
کیوں کرے انتظار پھولوں کا
Khaak-e-taybah jise mayassar ho
Kyun kare intezaar phoolon ka
اُن کی سانسوں سے بھیک لیتا ہے
موسمِ خوشگوار پھولوں کا
Un ki saanson se bheek leta hai
Mausam-e-khushgawar phoolon ka
مجھ کو رہنے دو فکرِ طیبہ میں
کیا کروں گا میں یار، پھولوں کا
Mujh ko rehne do fikar-e-taybah mein
Kya karun ga main yaar, phoolon ka
آپ کیا مسکرائے گلشن میں
بڑھ گیا ہے وقار پھولوں کا
Aap kya muskuraaye gulshan mein
Barh gaya hai waqaar phoolon ka
جِس گلِ تر کو آپ نے تھاما
بن گیا تاجدار پھولوں کا
Jis gul-e-tar ko aap ne thaama
Ban gaya tajdaar phoolon ka
حُسنِ طیبہ کی بھیک لیتے ہی
بڑھ گیا اعتبار پھولوں کا
Husn-e-taybah ki bheek lete hi
Barh gaya aitbaar phoolon ka
آپ ہی گر نہ دیکھنے آئیں
کیا کرے گی بہار پھولوں کا
Aap hi gar na dekhne aayen
Kya kare gi bahaar phoolon ka
ہے تبسم جو اِذنِ نعت تجھے
ہے گلے میں یہ ہار پھولوں کا
Hai tabassum jo izn-e-naat tujhe
Hai gale mein yeh haar phoolon ka
Share This Naat
Share with friends and family
وِرد ہے مشکبار پھولوں کا
حافظ محمد ابوبکر تبسمؔ