شاہوں کے سامنے نہ سکندر کے سامنے
منگتا کھڑا ہے روضۂ انور کے سامنے
Shahon ke samne na Sikandar ke samne
Mangta khara hai rozah e anwar ke samne
اللہ رے حسنِ شاہِ مدینہ کی تابشیں
نادم ہے شمس روئے منوّر کے سامنے
Allah re husn e Shah e Madinah ki taabishain
Nadam hai shams roye munawwar ke samne
پیشانی سب کی جھکتی ہے کعبہ کے روبرو
کعبہ جھکا ہے روضۂ اطہر کے سامنے
Peshani sab ki jukti hai Kaabah ke roobaroo
Kaabah jhuka hai rozah e at'har ke samne
ہے آرزو یہی یہی حسرت ہے دل کی اب
مدفن بنے تو روضہء انور کے سامنے
Hai aarzo yahi yahi hasrat hai dil ki ab
Madfan bane to rozah e anwar ke samne
ہیں دم بخود وہاں پہ فصیحانِ با کمال
کس کی مجال آئے پیمبر کے سامنے
Hain dam bakhud wahan pe fasihan e ba kamaal
Kis ki majaal aaye pa'imbar ke samne
رحم و کرم و عفو و شفاعت کی چاہ میں
مجرم کھڑے ہیں شافعِ محشر کے سامنے
Rehm o karam o afw o shafaat ki chah mein
Mujrim khare hain shafi e ma'shar ke samne
گل ہوگئے چراغِ ہدایاتِ رہبراں
دونوں جہاں کے مرشد و رہبر کے سامنے
Gul ho gaye chiraagh e hidaayaat e rahbaran
Dono jahan ke murshid o rahbar ke samne
سب کو طلب ہے رحمت و بخشش کی ہاں مگر
بخشش گدا ہے ساقیِ کوثر کے سامنے
Sab ko talab hai rehmat o bakhshish ki haan magar
Bakhshish gada hai saqi e kausar ke samne
اے کاش لب پہ نعت کا نغمہ لیے ہوئے
احمدؔ کھڑا ہو روضۂ انور کے سامنے
Ae kaash lab pe naat ka naghma liye huye
Ahmad khara ho rozah e anwar ke samne
Share This Naat
Share with friends and family
شاہوں کے سامنے نہ سکندر کے سامنے
مولانا طفیل احمد مصباحی