جن کی رحمت برستی ہےسنسار پر
اُن کی چشمِ کرم ہو گنہ گار پر
Jinn ki rehmat barasti haisansaar par
Un ki chashm-e-karam ho gunahgar par
گو کہ کافر رہے دُشمنِ جاں مگر
پھر بھی اُنگلی اُٹھائی نہ کردار پر
Go ke kafir rahe dushman-e-jaan magar
Phir bhi ungli uthai na kirdar par
اُن کو بخشی خُدا نے عجب چاشنی
مر مٹے سننے والے بھی گُفتار پر
Un ko bakhshi Khuda ne ajab chashni
Mar mite sunne wale bhi guftar par
پیش کرنے کو اس کے سوا کچھ نہیں
قلب و جاں ہوں فدا میرے سرکار ﷺ پر
Pesh karne ko is ke siwa kuch nahi
Qalb o jaan hoon fida mere sarkar ﷺ par
سوئے عرشِ علیٰ تھا وہ کیسا سفر
آج سائنس بھی حیراں ہے رفتار پر
Soi arsh-e-ula tha wo kaisa safar
Aaj science bhi hairaan hai raftar par
خالی دامن تھا پھر بھی چلا ہی گیا
لےکے اشکوں کے تحفے میں دربار پر
Khali daman tha phir bhi chala hi gaya
Leke ashkon ke tohfe mein darbar par
ہجر کے درد نے سب کو تڑپا دیا
مِثلِ بِسمل تھے محفل میں اشعار پر
Hijr ke dard ne sab ko tadpa diya
Misl-e-bismil the mehfil mein ash'ar par
ہے مرض میں اضافہ مرے دم بدم
اب تو کر دیں کرم اپنے بیمار پر
Hai maraz mein izafa mere dam-badam
Ab to kar dain karam apne beemar par
ہیں جلیل اپنے غم کا مداوا وہی
سو جما لی نظر اپنے غمخوار پر
Hain Jaleel apne gham ka madaawa wahi
So jama li nazar apne ghamkhaar par
Share This Naat
Share with friends and family
جن کی رحمت برستی ہےسنسار پر
حافظ عبدالجلیل