مدنی کرم کماوَن آگئے
جنگ دے بھاگ جگاوَن آگئے
Madani karam kamaawan aagaye
Jang de bhaag jagaawan aagaye
دو جگ دے سلطان مُحمد
اُجڑی جھوک وساوَن آگئے
Do jug de sultan Muhammad
Ujri jhook wasaawan aagaye
پرچم یار دی عظمت والا
جبرائیل جُھلاوَن آگئے
Parcham yaar di azmat wala
Jibrael jhulaawan aagaye
اَج اُمّت دے آقا میرے
سب دُکھ درد مٹاوَن آگئے
Aj ummat de aaqa mere
Sab dukh dard mataawan aagaye
ملک فلک دے دھرتی اُتے
جشن میلاد مناوَن آگئے
Malak falak de dharti utte
Jashan milaadd manaawan aagaye
جنت دے رضوان تے غلماں
گیت دُرود دے گاوَن آگئے
Jannat de rizwan te ghalmaa
Geet durood de gaawan aagaye
بخشے گئے نے اَج اوہ جیہڑے
نَعتاں سنن سناوَن آگئے
Bakhshay gaye ne aj oh jehray
Nata’an sunan sanaawan aagaye
دمیہہ میلاد دا صدقہ آقا
جھولی اسی وچھاوَن آگئے
Damiya Milaad da sadqa aaqa
Jholi asi vichaawan aagaye
اپنی بزم نوں میرے آقا
صائم آپ سجاوَن آگئے
Apni bazm noon mere aaqa
Sa'im aap sajaawan aagaye
Share This Naat
Share with friends and family
مدنی کرم کماوَن آگئے
علامہ صائم چشتی