صبح طیبہ میں ہوئی بٹتا ہے باڑا نور کا

صبح طیبہ میں ہوئی بٹتا ہے باڑا نور کا صدقہ لینے نور کا آیا ہے تارا نور کا

Subha Tayba mein hui batt'ta hai baara Noor ka Sadqa lene Noor ka aaya hai taara Noor ka

باغِ طیبہ میں سہانا پھول پھولا نور کا مستِ بو ہیں بلبلیں پڑھتی ہیں کلمہ نور کا

Baagh-e-Tayba mein suhaana phool phoola Noor ka Mast-e-boo hain bulblein, parhti hain kalma Noor ka

بارہویں کے چاند کا مُجرا ہے سجدہ نور کا بارہ بُرجوں سے جھکا ایک اِک سِتارہ نور کا

Baaraween ke chaand ka mujra hai sajda Noor ka Baara burjon se jhuka ek ek sitaara Noor ka

ان کے قَصْرِ قَدْر سے خُلْد ایک کمرہ نور کا سِدْرَہ پائیں باغ میں ننھا سا پودا نور کا

Un ke qasr-e-qadr se Khuld ek kamra Noor ka Sidra paayein baagh mein nanha sa poda Noor ka

عرش بھی فِردوس بھی اس شاہِ والا نور کا یہ مُثَمَّن بُرج وہ مُشکُوئے اَعلیٰ نور کا

Arsh bhi, Firdous bhi, is Shah-e-wala Noor ka Yeh musamman burj woh mushkoye a’ala Noor ka

آئی بدعت چھائی ظلمت رنگ بدلا نور کا ماہِ سُنّت مِہْرِ طَلْعت لے لے بدلا نور کا

Aayi bid’at, chhaayi zulmat, rang badla Noor ka Maah-e-Sunnat, mehr-e-tal’at le le badla Noor ka

تیرے ہی ماتھے رہا اے جان سہرا نور کا بخت جاگا نور کا چمکا ستارا نور کا

Tere hi maathe raha aye jaan sehra Noor ka Bakht jaaga Noor ka, chamka sitaara Noor ka

میں گدا تو بادشاہ بھر دے پیالہ نور کا نور دن دُونا تِرا دے ڈال صدقہ نور کا

Main gada tu baadshah, bhar de pyaala Noor ka Noor din doona tera de daal sadqa Noor ka

تیری ہی جانب ہے پانچوں وقت سجدہ نور کا رُخ ہے قبلہ نور کا اَبرو ہے کعبہ نور کا

Teri hi jaanib hai paanchon waqt sajda Noor ka Rukh hai Qibla Noor ka, abroo hai Kaaba Noor ka

پُشت پر ڈَھلکا سرِ انور سے شَمْلَہ نور کا دیکھیں موسیٰ طُور سے اُترا صَحِیفہ نور کا

Pusht par dhalka sar-e-anwar se shamla Noor ka Dekhein Musa Toor se utra saheefa Noor ka

تاج والے دیکھ کر تیرا عِمامہ نور کا سر جھکاتے ہیں الٰہی بول بالا نور

Taaj wale dekh kar tera imaama Noor ka Sar jhukate hain ilahi bol baala Noor ka

بِینیِ پُرنور پر رَخشاں ہے بُکّہ نور کا ہے لِوَاءُ الْحَمْد پر اُڑتا پھَریرا نور کا

Beeniy-e-purnoor par rakhshan hai bukka Noor ka Hai Liwa-ul-Hamd par urta pharera Noor ka

مُصْحَفِ عارِض پہ ہے خطِ شَفِیْعَہ نور کا لو سِیَہ کارو مبارک ہو قَبَالَہ نور کا

Mushaf-e-’aariz pe hai khat-e-shafi’ah Noor ka Lo siyah kaaro mubarak ho qabala Noor ka

آبِ زر بنتا ہے عارِض پر پسینہ نور کا مُصْحَفِ اِعجاز پر چڑھتا ہے سونا نور کا

Aab-e-zar banta hai aariz par paseena Noor ka Mushaf-e-ijaaz par chadhta hai sona Noor ka

پیچ کرتا ہے فدا ہونے کو لَمْعَہ نور کا گردِ سر پھرنے کو بنتا ہے عِمامَہ نور کا

Paich karta hai fida hone ko lam’a Noor ka Gard-e-sar phirne ko banta hai imaama Noor ka

ہیبت عارض سے تھراتا ہے شعلہ نور کا کَفشِ پا پر گر کے بن جاتا ہے گُپّھا نور کا

Haibat-e-’aariz se tharata hai shola Noor ka Kafsh-e-paa par gir ke ban jaata hai guppa Noor ka

شمع دل مِشکوٰۃ تن سینہ زُجا جَہ نور کا تیری صورت کے لئے آیا ہے سُورہ نور کا

Sham’a dil, mishkat tan, seena zujajah Noor ka Teri soorat ke liye aaya hai Surah Noor ka

مَیل سے کس درجہ ستھرا ہے وہ پُتلا نور کا ہے گلے میں آج تک کورا ہی کُرتا نور کا

Mail se kis darja suthra hai woh putla Noor ka Hai galey mein aaj tak kora hi kurta Noor ka

تیرے آگے خاک پر جھکتا ہے ماتھا نور کا نور نے پایا تِرے سجدے سے سِیْما نور کا

Tere aage khaak par jhukta hai maatha Noor ka Noor ne paaya tere sajde se seema Noor ka

تو ہے سایہ نور کا ہر عُضْو ٹکڑا نور کا سایہ کا سایہ نہ ہوتا ہے نہ سایہ نور کا

Tu hai saaya Noor ka, har uzw tukda Noor ka Saaya ka saaya na hota hai, na saaya Noor ka

کیا بَنا نامِ خدا اَسرا کا دولہا نور کا سر پہ سہرا نور کا بَر میں شَہانہ نور کا

Kya bana naam-e-Khuda Asra ka dulha Noor ka Sar pe sehra Noor ka, bar mein shahana Noor ka

بزمِ وَحْدَت میں مزا ہو گا دوبالا نور کا ملنے شمعِ طور سے جاتا ہے اِکّا نور کا

Bazm-e-wahdat mein maza hoga dobaala Noor ka Milne sham’a-e-Toor se jaata hai ikka Noor ka

وصفِ رخ میں گاتی ہیں حوریں ترانہ نور کا قدرتی بِینوں میں کیا بجتا ہے لَہْرا نور کا

Wasf-e-rukh mein gaati hain hoorain taraana Noor ka Qudrati beenon mein kya bajta hai lehra Noor ka

یہ کتابِ کُن میں آیا طُرفہ آیَہ نور کا غیرِ قائل کچھ نہ سمجھا کوئی معنیٰ نور کا

Yeh kitaab-e-Kun mein aaya turfa aayah Noor ka Ghair-e-qail kuch na samjha koi ma’na Noor ka

دیکھنے والوں نے کچھ دیکھا نہ بھالا نور کا مَنْ رَاٰی کیسا یہ آئینہ دکھایا نور کا

Dekhne walon ne kuch dekha na bhaala Noor ka Man ra’a kaisa yeh aaeena dikhaya Noor ka

صبح کر دی کفر کی سچا تھا مُژدہ نور کا شام ہی سے تھا شبِ تِیرہ کو دھڑکا نور کا

Subah kar di kufr ki, sach tha mujda Noor ka Shaam hi se tha shab-e-teera ko dhadka Noor ka

پڑتی ہے نوری بھرن امڈا ہے دریا نور کا سر جھکا اے کِشْتِ کفر آتا ہے اَہلا نور کا

Padti hai noori bharn, umda hai darya Noor ka Sar jhuka aye kisht-e-kufr, aata hai ahla Noor ka

ناریوں کا دور تھا دل جل رہا تھا نور کا تم کو دیکھا ہو گیا ٹھنڈا کلیجا نور کا

Naariyon ka daur tha, dil jal raha tha Noor ka Tum ko dekha ho gaya thanda kaleja Noor ka

نَسْخ اَدیاں کر کے خود قبضہ بٹھایا نور کا تاجْور نے کر لیا کچا علاقہ نور کا

Naskh adyaan kar ke khud qabza bithaaya Noor ka Taajwar ne kar liya kaccha ilaaka Noor ka

جو گدا دیکھو لیے جاتا ہے توڑا نور کا نور کی سرکار ہے کیا اس میں توڑا نور کا

Jo gada dekho liye jaata hai toda Noor ka Noor ki sarkar hai, kya us mein toda Noor ka

بھیک لے سرکار سے لا جلد کاسہ نور کا ماہِ نو طیبہ میں بٹتا ہے مہینہ نور کا

Bheek le Sarkar se, laa jald kaasa Noor ka Maah-e-no Tayba mein batt'ta hai mahina Noor ka

دیکھ ان کے ہوتے نازیبا ہے دعویٰ نور کا مِہْر لکھ دے یاں کے ذرّوں کو مُچَلْکا نور کا

Dekh un ke hote nazeeba hai da'wa Noor ka Mehr likh de yaan ke zarron ko muchalka Noor ka

یاں بھی داغِ سجدۂ طَیبہ ہے تَمغا نور کا اے قمر کیا تیرے ہی ماتھے ہے ٹِیکا نور کا

Yaan bhi daagh-e-sajda-e-Tayba hai tamgha Noor ka Aye Qamar, kya tere hi maathe hai tika Noor ka

شمع ساں ایک ایک پروانہ ہے اس با نور کا نورِ حق سے لو لگائے دل میں رشتہ نور کا

Sham’a saan ek ek parwana hai us baa Noor ka Noor-e-Haq se lo lagaaye, dil mein rishta Noor ka

اَنجمن والے ہیں اَنجم بَزم حلقہ نور کا چاند پر تاروں کے جھرمَٹ سے ہے ہالہ نور کا

Anjuman waale hain anjum, bazm halka Noor ka Chaand par taaron ke jhurmat se hai haala Noor ka

تیری نسلِ پاک میں ہے بچہ بچہ نور کا تو ہے عینِ نور تیرا سب گھرانا نور کا

Teri nasl-e-paak mein hai bachcha bachcha Noor ka Tu hai ain-e-Noor, tera sab gharana Noor ka

نور کی سرکار سے پایا دوشالہ نور کا ہو مبارک تم کو ذُو النُّوْرَیْن جوڑا نور کا

Noor ki sarkar se paaya doshala Noor ka Ho mubarak tum ko Zulnoorain joda Noor ka

کس کے پردے نے کیا آئینہ اندھا نور کا مانگتا پھرتا ہے آنکھیں ہر نگینہ نور کا

Kis ke parde ne kiya aaeena andha Noor ka Maangta phirta hai aankhein har nageena Noor ka

اب کہاں وہ تابِشیں کیسا وہ تڑکا نور کا مِہْر نے چھپ کر کیا خاصا دُھنْدَلْکا نور کا

Ab kahan woh tabishain, kaisa woh tadka Noor ka Mehr ne chhup kar kiya khaasa dhundhalka Noor ka

تم مُقابِل تھے تو پہروں چاند بڑھتا نور کا تم سے چھٹ کر منھ نکل آیا ذرا سا نور کا

Tum muqaabil the to pehron chaand badhta Noor ka Tum se chhut kar munh nikal aaya zara sa Noor ka

قبرِ انور کہیے یا قصرِ مُعلّٰے نور کا چَرخِ اَطلَس یا کوئی سادہ سا قُبّہ نور کا

Qabr-e-anwar kahiye ya qasr-e-mu’alla Noor ka Charkh-e-atlas ya koi saada sa qubbah Noor ka

آنکھ مِل سکتی نہیں در پر ہے پہرا نور کا تاب ہے بے حکم پَر مارے پرندہ نور کا

Aankh mil sakti nahi, dar par hai pehra Noor ka Taab hai be-hukm par maare parinda Noor ka

نَزع میں لوٹے گا خاکِ در پہ شیدا نور کا مَر کے اوڑھے گی عَروسِ جاں دوپٹا نور کا

Naz’a mein lautega khaak-e-dar pe shaida Noor ka Mar ke odhegi aroos-e-jaan dupatta Noor ka

تابِ مِہرِ حشر سے چونکے نہ کُشْتہ نور کا بوندیاں رحمت کی دینے آئیں چھینٹا نور کا

Taab-e-mehr-e-Hashr se chonke na kushta Noor ka Boondiyan rehmat ki dene aayin chheenta Noor ka

وضْعِ واضع میں تِری صورت ہے معنی نور کا یوں مَجازاً چاہیں جس کو کہہ دیں کلمہ نور کا

Waz’a-e-waazeh mein teri soorat hai ma’na Noor ka Yoon majaazan chahein jisko keh dein kalma Noor ka

اَنبیا اَجزا ہیں تو بالکل ہے جملہ نور کا اس علاقے سے ہے اُن پر نام سچا نور کا

Anbiya ajza hain to bilkul hai jumla Noor ka Is ilaqay se hai un par naam sucha Noor ka

یہ جو مِہر و مَہ پہ ہے اِطلاق آتا نور کا بھیک تیرے نام کی ہے اِستِعارَہ نور کا

Yeh jo mehr o mah pe hai itlaq aata Noor ka Bheek tere naam ki hai isti’ara Noor ka

سُرمَگیں آنکھیں حَریمِ حق کے وہ مُشکِیں غَزال ہے فضائے لامکاں تک جن کا رَمنا نور کا

Surmageen aankhein Hareem-e-Haq ke woh mushkeen ghazaal Hai faza-e-la-makaan tak jinka ramna Noor ka

تابِ حُسنِ گرم سے کھل جائیں گے دل کے کَنول نو بہاریں لائے گا گرمی کا جھلکا نور کا

Taab-e-husn-e-garm se khil jaayenge dil ke kanwal Nau bahaaren laaye ga garmi ka jhalka Noor ka

ذرّے مِہرِ قُدس تک تیرے تَوَسُّط سے گیے حدِّ اَوسَط نے کیا صُغریٰ کو کُبریٰ نور کا

Zarre mehr-e-Quds tak tere tawassut se gaye Hadd-e-ausat ne kiya sughra ko kubra Noor ka

سبزۂ گَردوں جھکا تھا بہرِ پا بوسِ بُراق پھر نہ سیدھا ہو سکا کھایا وہ کوڑا نور کا

Sabza-e-gardoon jhuka tha bahr-e-pa bosa-e-Buraaq Phir na seedha ho saka, khaya woh koda Noor ka

تابِ سم سے چوندھیا کر چاند اُنھیں قدموں پھرا ہنس کے بجلی نے کہا دیکھا چھلاوا نور کا

Taab-e-sam se chondhiya kar, chaand unhein qadamoun phira Hans ke bijli ne kaha dekha chhalawa Noor ka

دیدِ نقشِ سُم کو نکلی سات پَردوں سے نگاہ پُتلیاں بولیں چلو آیا تماشا نور کا

Deed-e-naqsh-e-sum ko nikli saat pardoun se nigaah Putliyan bolein chalo aaya tamaasha Noor ka

عکسِ سم نے چاند سُورج کو لگائے چار چاند پڑگیا سِیم و زرِ گَردوں پہ سکہ نور کا

Aks-e-sum ne chaand sooraj ko lagaaye chaar chaand Pad gaya seem o zar-e-gardoon pe sikka Noor ka

چاند جھک جاتا جِدھر اُنگلی اٹھاتے مَہد میں کیا ہی چلتا تھا اشاروں پر کھلونا نور کا

Chaand jhuk jaata jidhar ungli uthatay mahd mein Kya hi chalta tha ishaaron par khilona Noor ka

ایک سینہ تک مُشابہ اک وہاں سے پاؤں تک حُسنِ سِبطَین ان کے جاموں میں ہے نِیْما نور کا

Ek seena tak mushaabeh, ek wahan se paaon tak Husn-e-Sibtain un ke jamon mein hai neema Noor ka

صاف شکلِ پاک ہے دونوں کے ملنے سے عِیاں خط تَواَم میں لکھا ہے یہ دو۲ وَرقہ نور کا

Saaf shakl-e-paak hai dono ke milne se aayaan Khat-e-tawam mein likha hai yeh do warqa Noor ka

کٓ گیسو ٰ ہ دَہن یٰ ابرو آنکھیں عٓ صٓ کٓھٰیٰعٓصٓ اُن کا ہے چہرہ نور کا

Kaaf gaisoo, ha daahan, yaa abroo aankhein ain saad Kaaf haa yaa ain saad un ka hai chehra Noor ka

اے رضاؔ یہ احمدِ نوری کا فیضِ نور ہے ہوگئی میری غَزل بڑھ کر قصیدہ نور کا

Aye Raza yeh Ahmed-e-Noori ka faiz-e-Noor hai Ho gayi meri ghazal barh kar qaseeda Noor ka

صبح طیبہ میں ہوئی بٹتا ہے باڑا نور کا

Share This Naat

Related Naats

نعت کہنے کا سلیقہ بے ادب لہجہ نہ ہو

محبوبِ رب کہیں شہِ والا کہ کیا کہیں

دِل میرا یہ کہتا ہے محبوبِ خدا کہیئے

دامانِ کرم کے جو سہارے نہیں ہوتے