محبوبِ رب کہیں شہِ والا کہ کیا کہیں
اتنا ہے رتبہ آپ کا بالا کہ کیا کہیں
Mahboob-e-Rab kahin Shah-e-Vala ke kya kahin
Itna hai rutba aap ka bala ke kya kahin
تاریکیوں میں ڈوب چلا تھا یہ شہرِ دل
نورِ نبی نے ایسا اجالا کہ کیا کہیں
Tariqiyon mein doob chala tha yeh shehr-e-dil
Noor-e-Nabi ne aisa ujala ke kya kahin
جو ڈگمگا رہے تھے رہِ زیست میں انہیں
یوں رحمتِ نبی نے سنبھالا کہ کیا کہیں
Jo dagmaga rahe the rah-e-zeest mein unhein
Yun rehmat-e-Nabi ne sambhala ke kya kahin
آساں ہوئے مراحلِ دنیا و آخرت
کام ایسا آیا ان کا حوالا کہ کیا کہیں
Aasan hue marahil-e-dunya o aakhirat
Kaam aisa aaya un ka hawala ke kya kahin
ایسے ہے جان ان پہ لُٹانے کو پیش پیش
ہر ایک ان کا چاہنے والا کہ کیا کہیں
Aise hain jaan un pe lutane ko paish paish
Har aik un ka chahne wala ke kya kahin
آصف رہی نہیں کوئی حاجت، غنی ہوں میں
اس طرح مجھ کو آپ نے پالا کہ کیا کہیں
Asif rahi nahi koi haajat, Ghani hoon mein
Is tarah mujh ko aap ne pala ke kya kahin
Share This Naat
Share with friends and family
محبوبِ رب کہیں شہِ والا کہ کیا کہیں
محمد آصف قادری