سرورِ عالم شہِ ذی شاں نظر بر حالِ من
مُشکلیں کیجے مری آساں نظر بر حالِ من
Sarwar-e-Alam Shah-e-Zi Shaan nazar bar haal-e-man
Mushkilain kijay meri aasan nazar bar haal-e-man
نخلِ ایماں کو مرے آقا عطا ہو تازگی
اِس پہ برسے لُطف کا نِیساں نظر بر حالِ من
Nakhl-e-Imaan ko mere Aaqa ata ho taazagi
Is pe barse lutf ka neesaan nazar bar haal-e-man
اے مرے سرکار میری التجا مقبول ہو
دیکھ لوں میں بھی رُخِ تاباں نظر بر حالِ من
Ae mere Sarkar meri iltija maqbool ho
Dekh loon main bhi rukh-e-taaban nazar bar haal-e-man
فُرقتِ طیبہ سے آقا دل میرا غمگین ہے
درد کا ہو اب مرے درماں نظر بر حالِ من
Furqat-e-Taybah se Aaqa dil mera ghamgeen hai
Dard ka ho ab mere darmann nazar bar haal-e-man
نفس و شیطاں کی ہلاکت خیزیاں بڑھنے لگیں
مجھ پہ غالب ہو گئے عصیاں نظر بر حالِ من
Nafs o Shaitaan ki halakat khaiziyan barhne lageen
Mujh pe ghalib ho gaye isyaan nazar bar haal-e-man
پھر مدینے میں عطا ہو باریابی کا شرف
پھر یہ پورا ہو مرا ارماں نظر بر حالِ من
Phir Madine mein ata ho baariyabi ka sharaf
Phir yeh poora ho mera armaan nazar bar haal-e-man
واسِطہ حسنین کا جو پھول ہیں سرکار کے
کیجئے گا مِثلِ گُل خنداں نظر بر حالِ من
Waasta Hasnain ka jo phool hain Sarkar ke
Kijiyega misl-e-gul khandaan nazar bar haal-e-man
اشکباری اور غمِ اُمت کا آقا واسطہ
حشر میں فرمائیے شاداں نظر بر حالِ من
Ashkbaari aur gham-e-ummat ka Aaqa waasta
Hashr mein farmaiyay shaadaan nazar bar haal-e-man
اپنی نظروں میں سدا مرزا کو رکھیے گا حضور
آپ ہی کا ہے یہ مدح خواں نظر بر حالِ من
Apni nazron mein sada Mirza ko rakhiye ga Huzoor
Aap hi ka hai yeh madah khwan nazar bar haal-e-man
Share This Naat
Share with friends and family
سرورِ عالم شہِ ذی شاں نظر بر حالِ من
مرزا جاوید بیگ عطاری