مِرے بھی حصے میں آئی حسین ساعتِ نعت
خوشا نصیب کہ حاصل ہوئی سعادتِ نعت
Mire bhi hisse mein aayi haseen sa'at-e-naat
Khush a naseeb ke hasil hui sa'adat-e-naat
کروں تو کیسے کروں میں بیانِ رفعتِ نعت
کہ ما ورا مِرے ادراک سے ہے عظمتِ نعت
Karun to kaise karun mein bayaan-e-raf'at-e-naat
Ke maa wara mire idraak se hai azmat-e-naat
نہ کیوں وہ چوم کے آتی درِ اجابت کو
دعا گئی تھی ہماری پہن کے خلعتِ نعت
Na kyun woh choom ke aati dar-e-ijabat ko
Dua gayi thi hamari pehen ke khil'at-e-naat
نبی کے عشق میں سرشار جب وہ پڑھتا ہے
سماعتوں میں اُتر جاتی ہے حلاوتِ نعت
Nabi ke ishq mein sarshar jab woh parhta hai
Sama'aton mein utar jaati hai halawat-e-naat
نبی کی نعت ہے قرآں کے تیس پاروں میں
کلامِ پاکِ خدا ہے دلیلِ عظمتِ نعت
Nabi ki naat hai quraan ke tees paron mein
Kalaam-e-paak-e-khuda hai daleel-e-azmat-e-naat
مجھے جہاں میں نہیں ہے کہیں کمی کوئی
مِرے خدا نے مجھے بخش دی ہے نعمتِ نعت
Mujhe jahaan mein nahi hai kahin kami koi
Mire khuda ne mujhe bakhsh di hai naimat-e-naat
دکھائی دیتے ہیں آنسو غزل کی آنکھوں میں
ملی ہے جب سے ہمارے قلم کو نسبتِ نعت
Dikhaai dete hain aansu ghazal ki aankhon mein
Mili hai jab se hamare qalam ko nisbat-e-naat
جسے کسی کا بھی دستِ خیال چھو نہ سکے
بلند اتنا ہے وہ آسمانِ عظمتِ نعت
Jise kisi ka bhi dast-e-khayaal choo na sake
Buland itna hai woh aasman-e-azmat-e-naat
شفیقؔ حضرتِ حسان ہی کا صدقہ ہے
جنابِ حافظ و سعدی نے کی جو خدمتِ نعت
Shafiq Hazrat-e-Hassaan hi ka sadqa hai
Janaab-e-Haafiz o Saadi ne ki jo khidmat-e-naat
Share This Naat
Share with friends and family
مِرے بھی حصے میں آئی حسین ساعتِ نعت
شفیق ؔ رائے پوری