سرکارِ مدینہ کے در سے اے داور محشر! کیا مانگوں
پلکوں پہ عقیدت کی ساری مَیں شمعیں جلا کر کیا مانگوں
Sarkar-e-Madina ke dar se ae dawar-e-mahshar! kya maangoon
Palkon pe aqeedat ki saari main shama'en jala kar kya maangoon
آغوشِ دوعالم کے اندر جب ہے ہی نہیں تو میں اُن سے
روضے کی زیارت سے بڑھ کر یا اس کے برابر کیا مانگوں
Aaghosh-e-do-aalam ke andar jab hai hi nahi to main un se
Rouze ki ziart se barh kar ya us ke barabar kya maangoon
دارین کے رہبر سے مَیں نے صرف اُن کی محبت مانگی ہے
اس چیز سے بہتر کیا سوچوں اِس چیز سے بہتر کیا مانگوں
Dareen ke rehbar se main ne sirf un ki muhabbat maangi hai
Is cheez se behtar kya sochoon is cheez se behtar kya maangoon
اُس شہر کا اِک اِک ذرّہ ہی جب سُرمہ ہے اپنی آنکھوں کا
اُس شہر سے پہلے کیا چاہوں اُس شہر میں جا کر کیا مانگوں
Us shehar ka ek ek zarra hi jab surma hai apni aankhon ka
Us shehar se pehle kya chahoon us shehar mein ja kar kya maangoon
تو میرے تصوّر سے بڑھ کر ہے رحم کا پیکر میں تجھ سے
اے میری دعاؤں کے مرکز اے میرے پیمبر ! کیا مانگوں
Tu mere tasawwur se barh kar hai rehmat ka paikar main tujh se
Ae meri dua'on ke markaz ae mere paighambar! kya maangoon
دامن کو مَیں کتنا پھیلاؤں تحصیلِ عنایت کی خاطر
ہر قطرہ سمندر ہو جن کا مَیں اُن سے سمندر کیا مانگوں
Daman ko main kitna phailaon tehseel-e-inaayat ki khaatir
Har qatra samandar ho jin ka main un se samandar kya maangoon
نعلین کا بوسہ مانگا ہے ہونٹوں کے تبسم کی خاطر
کونین کے والی سے انجؔم کونین سے کم تر کیا مانگوں
Na'lein ka bosa maanga hai honton ke tabassum ki khaatir
Konain ke wali se Anjum konain se kamtar kya maangoon
Share This Naat
Share with friends and family
سرکارِ مدینہ کے در سے اے داور محشر! کیا مانگوں
انجم نیازی