تجھ سے سخن کی آبرو
میری متاع فکر تو
Tujh se sukhan ki aabroo
Meri mata-e-fikr tu
میرا ہنر تِری ثنا
صَلِّ عَلٰی نَبِیِّنا
Mera hunar teri sana
Sall-e 'ala Nabi-ina
تیرا شعور بے بہا
اوج بشر کی انتہا
Tera shaoor be-baha
Ooj-e-bashar ki inteha
فرش سے عرش تک رہا
آنکھ سے روح تک گیا
Farsh se arsh tak raha
Aankh se rooh tak gaya
چادرِ نور جسم پر
پردہ میم اسم پر
Chadar-e-noor jism par
Parda Meem ism par
عبد سے عبد، بنا
صَلِّ عَلٰی نَبِیِّنا
Abd se Abd, bana
Sall-e 'ala Nabi-ina
تو ہے نوائے ایزدی
گونج تِری صدی صدی
Tu hai nawa-e-Ezdi
Goonj teri sadi sadi
تیرا قیام بھی سفر
تیرا سراب بھی ندی
Tera qiyam bhi safar
Tera saraab bhi nadi
چاہا تجھے حیات نے
مادر کائنات نے
Chaha tujhe hayaat ne
Madar-e-kainaat ne
تجھ سا بشر نہیں جنا
صَلِّ عَلٰی نَبِیِّنا
Tujh sa bashar nahin jana
Sall-e 'ala Nabi-ina
فقر بھی تیرا شاہ گر
سایہ بھی مطلع سحر
Faqr bhi tera Shah gir
Saya bhi matla-e-Sehar
نغمہ و نکہت و چراغ
صوت و سماعت و نظر
Naghma o nakhat o charagh
Saut o sama'at o nazar
عکس خدائے لم یزل
آئنہ خانہ عمل
Aks-e-Khuda-e-lam yazal
Aaina khana 'amal
پیری شباب بچپنا
صَلِّ عَلٰی نَبِیِّنا
Piri shabaab bachpana
Sall-e 'ala Nabi-ina
تو مِرا مرکز و اساس
میرا سکون تیرے پاس
Tu mera markaz o asas
Mera sukoon tere paas
میری نظر میں تیرے رنگ
میری رگوں میں تیری باس
Meri nazar mein tere rang
Meri ragon mein teri baas
اے مِرے والی و امیر
میں تِرے حسن کا اسیر
Ae mere wali o ameer
Main tere husn ka aseer
میں تِرے عشق میں فنا
صَلِّ عَلٰی نَبِیِّنا
Main tere ishq mein fana
Sall-e 'ala Nabi-ina
کرتا رہا تِرا مزاج
چارہ گروں کا بھی علاج
Karta raha tera mizaaj
Charah garon ka bhi ilaaj
جن کے سروں پہ گھاؤ تھے
بخش دیے تُو نے ان کو تاج
Jin ke saron pe ghaav the
Bakhsh diye tu ne un ko taaj
خاک بسر ہوا غرور
کانپ اُٹھا تِرے حضور
Khaak basar hua ghuroor
Kanp utha tere huzoor
تاجوروں کا طنطنہ
صَلِّ عَلٰی نَبِیِّنا
Tajwaron ka tantana
Sall-e 'ala Nabi-ina
Share This Naat
Share with friends and family
صَلِّ عَلٰی نَبِیِّنا
مظفر وارثی