وہ کمالِ حُسنِ حضور ہے کہ گمانِ نَقْص جہاں نہیں
یہی پھول خار سے دور ہے یہی شمع ہے کہ دُھواں نہیں
Woh kamal-e-husn-e-Huzur hai ke gumaan-e-naqs jahaan nahi
Yehi phool khaar se dur hai yehi shama hai ke dhuaan nahi
دو جہاں کی بہتریاں نہیں کہ امانیٔ دل و جاں نہیں
کہو کیا ہے وہ جو یہاں نہیں مگر اک ’’نہیں ‘‘ کہ وہ ہاں نہیں
Do jahaan ki behtariyaan nahi ke amaan-e-dil o jaan nahi
Kaho kya hai woh jo yahaan nahi magar ek "nahi" ke woh haan nahi
میں نثار تیرے کلام پر مِلی یُوں تو کِس کو زباں نہیں
وہ سخن ہے جس میں سخن نہ ہو وہ بیاں ہے جس کا بیاں نہیں
Main nisaar tere kalaam par mili yun tou kis ko zabaan nahi
Woh sukhan hai jis mein sukhan na ho woh bayaan hai jiska bayaan nahi
بخدا خدا کا یہی ہے در نہیں اور کوئی مَفَر مَقَر
جو وہاں سے ہو یہیں آکے ہو جو یہاں نہیں تو وہاں نہیں
Bakhuda Khuda ka yehi hai dar nahi aur koi mafar maquar
Jo wahan se ho yahin aake ho jo yahan nahi to wahan nahi
کرے مصطفٰی کی اِہانتیں کھلے بندوں اس پہ یہ جرأتیں
کہ میں کیا نہیں ہوں مُحَمَّدِی! ارے ہاں نہیں ارے ہاں نہیں
Kare Mustafa ki ehaanatein khule bandon us pe ye jura'atein
Ke main kya nahi hoon Muhammadi! Are haan nahi are haan nahi
تِرے آگے یُوں ہیں دَبے لَچے فُصَحَاعرب کے بڑے بڑے
کوئی جانے منھ میں زباں نہیں ، نہیں بلکہ جسم میں جاں نہیں
Tere aage yun hain dabe lache fusahaa Arab ke bade bade
Koi jaane muhn mein zabaan nahi, nahi balkay jism mein jaan nahi
وہ شرف کہ قطع ہیں نسبتیں وہ کرم کہ سب سے قریب ہیں
کوئی کہدو یاس و امید سے وہ کہیں نہیں وہ کہاں نہیں
Woh sharaf ke qata hain nisbatain woh karam ke sab se qareeb hain
Koi kehdo yaas o umeed se woh kahin nahi woh kahaan nahi
یہ نہیں کہ خُلد نہ ہو نِکو وہ نِکوئی کی بھی ہے آبرو
مگر اے مدینہ کی آرزو جسے چاہے تو وہ سماں نہیں
Ye nahi ke khuld na ho niko woh nikoyi ki bhi hai aabroo
Magar ae Madinah ki aarzoo jise chahe to woh samaan nahi
ہے اُنہیں کے نور سے سب عیاں ہے اُنہیں کے جلوہ میں سب نہاں
بنے صبح تابش مہر سے رہے پیش مہر یہ جاں نہیں
Hai unhi ke noor se sab ayaan hai unhi ke jalwa mein sab nahan
Bane subah tabish meher se rehe paish meher ye jaan nahi
وہی نورِ حق وہی ظلِّ ربّ ہے انہیں سے سب ہے انہیں کا سب
نہیں ان کی مِلک میں آسماں کہ زمیں نہیں کہ زماں نہیں
Wohi noor-e-haq wohi zil-e-Rab hai unhi se sab hai unhi ka sab
Nahi un ki milk mein aasman ke zameen nahi ke zamaan nahi
وہی لامکاں کے مکیں ہوئے سرِ عرش تخت نشیں ہوئے
وہ نبی ہے جس کے ہیں یہ مکاں وہ خدا ہے جس کا مکاں نہیں
Wohi laa-makaan ke makeen hue sar-e-‘arsh takht nasheen hue
Woh Nabi hai jis ke hain ye makaan woh Khuda hai jiska makaan nahi
سرِ عرش پر ہے تِری گزر دلِ فرش پر ہے تِری نظر
ملکوت و ملک میں کوئی شے نہیں وہ جو تجھ پہ عیاں نہیں
Sar-e-‘Arsh par hai teri guzar dil-e-farsh par hai teri nazar
Malkoot o malak mein koi shai nahi woh jo tujh pe ayaan nahi
کروں تیرے نام پہ جاں فدانہ بس ایک جاں دو جہاں فِدا
دو جہاں سے بھی نہیں جی بھرا کروں کیا کروروں جہاں نہیں
Karun tere naam pe jaan fidana bas ek jaan do jahan fida
Do jahan se bhi nahi jee bhara karun kya karoron jahan nahi
تِرا قد تو نادرِ دہر ہے کوئی مِثل ہو تو مِثال دے
نہیں گُل کے پودوں میں ڈالیاں کہ چمن میں سرو چماں نہیں
Tera qad to nadir-e-dahr hai koi misl ho to misaal de
Nahi gul ke podon mein daaliyan ke chaman mein sarv chamaan nahi
نہیں جس کے رنگ کا دوسرا نہ تو ہو کوئی نہ کبھی ہوا
کہو اس کو گل کہے کیا بنی کہ گلوں کا ڈھیر کہاں نہیں
Nahi jis ke rang ka doosra na to ho koi na kabhi hua
Kaho is ko gul kahe kya bani ke gulon ka dher kahan nahi
کروں محِ ادہلِ دُوَلْ رضاؔ پڑے اِس بَلا میں مِری بَلا
میں گدا ہوں اپنے کریم کا مِرا دِین پارۂ ناں نہیں
Karun mah eadhal e duwal raza (RA) pare is bala mein meri bala
Main gada hoon apne Karim ka mera deen para-e-naan nahi
Share This Naat
Share with friends and family
وہ کمالِ حُسنِ حضور ہے کہ گمانِ نَقْص جہاں نہیں
احمد رضا خان بریلوی