امیرِ بحر و بر جیسا رسولِ خوش نظر جیسا
کبھی آیا نہ آئے گا ، بشر خیر البشرؐ جیسا
Ameer-e-bahr-o-bar jesa Rasool-e-khush nazar jesa
Kabhi aya na aaye ga, bashar khair-ul-bashar jesa
مٹائے اُسؐ نے دنیا سے اندھیرے کالی صدیوں کے
دیا اُسؐ نے اُجالا ساری دنیا کو سحر جیسا
Mitae us ne duniya se andhere kaali sadiyon ke
Diya us ne ujala saari duniya ko sehr jesa
زمیں سے عرش تک منظر ہیں کتنے نُور کے لیکن
کہاں پھر بھی سفر روشن مدینے کے سفر جیسا
Zameen se arsh tak manzar hain kitne noor ke lekin
Kahan phir bhi safar roshan Madine ke safar jesa
بہت سے معجزے دیکھے ہیں آنکھوں نے رسولوں کے
کسی نے معجزہ دیکھا کہاں شق القمر جیسا
Bohat se mojze dekhe hain aankhon ne Rasoolon ke
Kisi ne mojza dekha kahan shaq-ul-qamar jesa
جہاں سے روشنی کی بھیک ملتی ہے ستاروں کو
کوئی پاکیزہ در ایسا کہاں اس پاک در جیسا
Jahan se roshni ki bheek milti hai sitaron ko
Koi pakeeza dar aesa kahan is pak dar jesa
بلا تخصیص جو سایہ عطا کرتا ہے لوگوں کو
جہانوں میں کہاں ٹھنڈا شجر ، ایسے شجر جیسا
Bila takhsees jo saaya ata karta hai logon ko
Jahano mein kahan thanda shajar, aese shajar jesa
بھلا نعم البدل صدیقِ اکبر کا کہاں کوئی
مِلا کس کو غلام انجؔم زمانے میں عمر جیسا
Bhala ne'm-ul-badal Siddiq-e-Akbar ka kahan koi
Mila kis ko ghulam Anjam zamane mein Umar jesa
Share This Naat
Share with friends and family
امیرِ بحر و بر جیسا رسولِ خوش نظر جیسا
انجم نیازی