درودِ پاک سے دیوار و در آباد رکھتا ہوں
شبِ تاریک میں روشن چراغِ یاد رکھتا ہوں
Darood-e-Paak se deewar o dar aabaad rakhta hoon
Shab-e-Taareek mein roshan charaagh-e-yaad rakhta hoon
خطائیں ایک لمحے کو بھی وقفِ غم نہیں کرتیں
شفیعِ حشر کی یادوں سے دل کو شاد رکھتا ہوں
Khataaein aik lamhe ko bhi waqf-e-gham nahi kartin
Shafi-e-Hashr ki yaadon se dil ko shaad rakhta hoon
عطا ہوتی ہے جس دن نعت کی توفیق مالک سے
مکانِ دل میں اس دن محفلِ میلاد رکھتا ہوں
Ataa hoti hai jis din naat ki toufeeq Maalik se
Makaan-e-dil mein us din mehfil-e-meelaad rakhta hoon
وریدِ جاں کو مہکاتی ہے جب توصیف کی خواہش
میں اپنے روبرو قرآن کے ارشاد رکھتا ہوں
Vareed-e-jaan ko mehkaati hai jab tauseef ki khuaahish
Main apne roobaru Qur'an ke arshaad rakhta hoon
مرے اشعار سے آتی ہے مشک و عود کی خوشبو
میں حبِ مصطفیٰ پر شعر کی بنیاد رکھتا ہوں
Mere ashaar se aati hai mashk o oud ki khushboo
Main hub-e-Mustafa par sher ki buniyaad rakhta hoon
کنیزِ مصطفیٰ رکھتا ہوں اپنی سوچ کو ہر دم
مشامِ جاں کو فکرِ غیر سے آزاد رکھتا ہوں
Kaneez-e-Mustafa rakhta hoon apni soch ko har dam
Mashaam-e-jaan ko fikr-e-ghair se aazaad rakhta hoon
مجھے اشفاق جب دنیا کے رنج و غم ستاتے ہیں
تو آقائے جہاں کے سامنے فریاد رکھتا ہوں
Mujhe Ashfaq jab duniya ke ranj o gham sataate hain
To aaqa-e-jahan ke saamne faryaad rakhta hoon
Share This Naat
Share with friends and family
درودِ پاک سے دیوار و در آباد رکھتا ہوں
اشفاق احمد غوری