حق نما حق صفات آپ کی ذات
شاہکار حیات آپ کی ذات
Haq numa haq sfaat aap ki zaat
Shahkar hayaat aap ki zaat
خالق کائنات ذات خدا
مقصد کائنات آپ کی ذات
Khaaliq kaainaat zaat khuda
Maqsad kaainaat aap ki zaat
شرح تہذیب ایک ایک عمل
روحِ اخلاقیات آپ کی ذات
Sharh tahzeeb aik aik amal
Rooh-e-akhlaaqiyaat aap ki zaat
شرق و غرب آپ کے نشانِ قدم
جہت شش جہات آپ کی ذات
Sharq o gharb aap ke nishaan-e-qadam
Jihat shash jhaat aap ki zaat
جزوِ ایماں مطالعہ جس کا
دیں کی وہ کلیات آپ کی ذات
Juz-e-imaan mutaala jiska
Deen ki woh kaliyaat aap ki zaat
حیرت انگیز آپ کا معمول
مظہر معجزات آپ کی ذات
Hairat angez aap ka mamool
Mazhar mojzaat aap ki zaat
ہر صدی آپ کے جلو میں چلے
ہر زمانے کے ساتھ آپ کی ذات
Har sadi aap ke jalo mein chale
Har zamane ke saath aap ki zaat
جس کی تائید تا ابد ہوگی
وہ ثبوت ثبات آپ کی ذات
Jis ki taaeed taa abad hogi
Woh saboot sabat aap ki zaat
میرا منشور میرا پیمانہ
آپ کی بات آپ کی ذات
Mera manshoor mera paimana
Aap ki baat aap ki zaat
کیا مظفر ہو عاقبت کی فکر
میری وجہ نجات آپ کی ذات
Kya Muzaffar ho aqibat ki fikar
Meri wajah e najaat aap ki zaat
Share This Naat
Share with friends and family
حق نما حق صفات آپ کی ذات
مظفر وارثی