سلام اس پر کہ جس نے بے کسوں کی دستگیری کی
سلام اس پر کہ جس نے بادشاہی میں فقیری کی
Salaam us par ke jis ne be-kason ki dastageeri ki
Salaam us par ke jis ne badshahi mein faqeeri ki
سلام اس پرکہ اسرارِ محبت جس نے سکھلائے
سلام اس پر کہ جس نے زخم کھا کر پھول برسائے
Salaam us par ke asrar-e-mohabbat jis ne sikhlaye
Salaam us par ke jis ne zakm kha kar phool barsaye
سلام اس پر کہ جس نے خوں کے پیاسوں کو قبائیں دیں
سلام اس پر کہ جس نے گالیاں سن کر دعائیں دیں
Salaam us par ke jis ne khoon ke pyaason ko qabayein deen
Salaam us par ke jis ne gaaliyan sun kar duayein deen
سلام اس پر کہ دشمن کو حیاتِ جاوداں دے دی
سلام اس پر ابو سفیان کو جس نے اماں دے دی
Salaam us par ke dushman ko hayaat-e-javedaan de di
Salaam us par Abu Sufiyan ko jis ne amaan de di
سلام اس پر کہ جس کا ذکر ہے سارے صحائف میں
سلام اس پ ہوا مجروح جو بازارِ طائف میں
Salaam us par ke jis ka zikr hai saaray sa-haif mein
Salaam us p hua majrooh jo bazaar-e-taif mein
سلام اس پر وطن کے لوگ جس کو تنگ کرتے تھے
سلام اس پر کہ گھر والے بھی جس سے جنگ کرتے تھے
Salaam us par watan ke log jis ko tang karte thay
Salaam us par ke ghar wale bhi jis se jang karte thay
سلام اس پر کہ جس کے گھر میں چاندی تھی نہ سونا تھا
سلام اس پر کہ ٹوٹا بوریا جس کا بچھونا تھا
Salaam us par ke jis ke ghar mein chandi thi na sona tha
Salaam us par ke toota boriya jis ka bichona tha
سلام اس پر جو سچائی کی خاطر دکھ اٹھاتا تھا
سلام اس پر جو بھوکا رہ کے اوروں کو کھلاتا تھا
Salaam us par jo sachai ki khaatir dukh uthatta tha
Salaam us par jo bhooka reh ke auron ko khilata tha
سلام اس پر جو امت کے لیے راتوں کو روتا تھا
سلام اس پر جو فرشِ خاک پر جاڑے میں سوتا تھا
Salaam us par jo ummat ke liye raaton ko rota tha
Salaam us par jo farsh-e- khaak par jaade mein sota tha
سلام اس پر جو دنیا کے لئے رحمت ہی رحمت ہے
سلام اس پر کہ جس کی ذات فخرِ آدمیّت ہے
Salaam us par jo duniya ke liye rehmat hi rehmat hai
Salaam us par ke jis ki zaat fakhr-e-adamiyat hai
سلام اس پر کہ جس نے جھولیاں بھردیں فقیروں کی
سلام اس پر کہ مشکیں کھول دیں جس نے اسیروں کی
Salaam us par ke jis ne jholiyan bhar deen faqeeron ki
Salaam us par ke mushkein khol deen jis ne aseeron ki
سلام اس پر کہ جس کی چاند تاروں نے گواہ دی
سلام اس پر کہ جس کی سنگ پاروں نے گواہی دی
Salaam us par ke jis ki chaand taaron ne gawaahi di
Salaam us par ke jis ki sang paaron ne gawaahi di
سلام اس پر کہ جس نے زندگی کا راز سمجھایا
سلام اس پر کہ جو خود بدر کے میدان میں آیا
Salaam us par ke jis ne zindagi ka raaz samjhaya
Salaam us par ke jo khud badr ke maidan mein aaya
سلام اس پر کہ جس کا نام لے کر اس کے شیدائی
الٹ دیتے ہیں تختِ قیصریت اوجِ دارائی
Salaam us par ke jis ka naam le kar us ke sheedai
Ulat deti hain takht-e-qaisriyat ooj-e-daaraai
سلام اس پر کہ جس کے نام لیوا ہر زمانے میں
بڑھا دیتے ہیں ٹکڑا سرفروشی کے فسانے میں
Salaam us par ke jis ke naam lewa har zamane mein
Barha deti hain tukra sarfaroshi ke fasane mein
سلام اس ذات پر کہ جس کے یہ پریشاں حال دیوانے
سنا سکتے ہیں اب بھی خالد و حیدر کے افسانے
Salaam us zaat par ke jis ke yeh pareshan haal deewane
Suna sakte hain ab bhi Khalid o Haider ke fasane
درود اس پر کہ جس کی بزم میں قسمت نہیں سوتی
درود اس پر کہ جس کے ذکر سے سیری نہیں ہوتی
Durood us par ke jis ki bazm mein qismat nahi soti
Durood us par ke jis ke zikr se seeri nahi hoti
درود اس پر کہ جس کے تذکرے ہیں پاک بازوں میں
درود اس پر کہ جس کا نام لیتے ہیں نمازوں میں
Durood us par ke jis ke azkare hai paakbazoon mein
Durood us par ke jis ka naam lete hain namazon mein
درود اس پر، جسے شمعِ شبستان ازل کہیے
درود اس ذات پر فخرِ بنی آدم جسے کہیے
Durood us par, jise shama-e-shabistan azal kahiye
Durood us zaat par fakhr-e-bani aadam jise kahiye
Share This Naat
Share with friends and family
سلام اس پر کہ جس نے بے کسوں کی دستگیری کی
منظور حسین(ماہر القادری)