جہاں کا مرکزِ انوار ذرّہ ذرّہ ہے
مِرے حضور کا پُر نور وہ مدینہ ہے
Jahan ka markaz-e-anwar zarra zarra hai
Mire Huzoor ka pur noor woh madina hai
جُڑے رہو گے نبی سے تو فائدہ ہوگا
الگ رہوگے جو ان سے تو بس خسارہ ہے
Jude raho ge Nabi se to faida hoga
Alag raho ge jo un se to bas khasara hai
جمالِ روضۂ انور کا پوچھنا ہی کیا
تقدس آکے ہمیشہ طواف کرتا ہے
Jamal-e-rozah-e-anwar ka poochhna hi kya
Taqaddus aake hamesha tawaaf karta hai
سنبھل سنبھل دلِ بے تاب!ہوش میں آ جا
درِ رسول ہے یہ مصطفےٰ کا روضہ ہے
Sambhal sambhal dil-e-betaab! Hosh mein aa ja
Dar-e-Rasool hai yeh Mustafa ka rozah hai
نبی کی زلف سےمنسوب ساری راتیں ہیں
انہی کےرخ سے درخشاں ہر اک سویرا ہے
Nabi ki zulf se mansoob saari raatein hain
Inhi ke rukh se darakhshaan har ek sawera hai
نہ ہے کہیں کوئی تشبیہ ان کے تلووں کی
نہ ان کی صورتِ زیبا کا استعارہ ہے
Na hai kahin koi tashbeeh un ke talwon ki
Na un ki surat-e-zeba ka astiara hai
ہماری فردِ عمل میں نہیں ہے حسنِ عمل
ہمارے پاس نبی کا فقط حوالہ ہے
Hamaari fard-e-amal mein nahi hai husn-e-amal
Hamaare paas Nabi ka faqat hawala hai
برستی رہتی ہے نکہت درِ پیمبر پر
وہاں تو بارشِ انوار بھی ہمیشہ ہے
Barasti rahti hai nighat dar-e-Paambar par
Wahan to barish-e-anwar bhi hamesha hai
یہیں سے خور کو ملا ہے ہنر چمکنے کا
قمر نے بھی یہاں دستِ طلب پسارا ہے
Yahin se khur ko mila hai hunar chamakne ka
Qamar ne bhi yahan dast-e-talab pasara hai
شفیقؔ تم کو پتہ ہے تمہارا دل ہے کہاں
نبی کے روضۂِ اقدس پہ جا کے بیٹھا ہے
Shafiq tum ko pata hai tumhara dil hai kahan
Nabi ke rozah-e-aqdas pe ja ke baitha hai
Share This Naat
Share with friends and family
جہاں کا مرکزِ انوار ذرّہ ذرّہ ہے
شفیق ؔ رائے پوری