سخاوت ہی سخاوت ہے محبت ہی محبت ہے
اُسے پھیلے ہوئے دامن کو بھر دینے کی عادت ہے
Sakhawat hi sakhawat hai mohabbat hi mohabbat hai
Use phailay hue daman ko bhar denay ki adat hai
وہ شہرِ علم ہے اُس کا احاطہ ہو نہیں سکتا
درِ محشر تلک پھیلی ہوئی اُس کی رسالت ہے
Woh shehr-e-ilm hai us ka ihata ho nahi sakta
Dar-e-Mahshar talak phaili hui us ki risalat hai
دَر ِ پُر نور پر جھکتی ہوئی صدیو! گواہ رہنا
مجھے اُس کی تمنا ہے مجھے اُس کی ضرورت ہے
Dar-e-pur noor par jhukti hui sadiyo! gawah rehna
Mujhe us ki tamanna hai mujhe us ki zarurat hai
اَدب کے ساتھ اُس کو یاد کرنا بھی ہے اِک نیکی
اَدب کے ساتھ اس کا نام لینا بھی عبادت ہے
Adab ke sath us ko yaad karna bhi hai ik neki
Adab ke sath us ka naam lena bhi ibadat hai
کبھی اُس کی روانی میں کمی آتی نہیں انجؔم
وہ ہر موسم میں بہتا ہے کہ وہ دریائے رحمت ہے
Kabhi us ki rawani mein kami aati nahi Anjum
Woh har mausam mein behta hai keh woh darya-e-rehmat hai
Share This Naat
Share with friends and family
سخاوت ہی سخاوت ہے محبت ہی محبت ہے
انجم نیازی