سیر گلشن کون دیکھے دشتِ طیبہ چھوڑ کر
سوئے جنت کون جائے دَر تمہارا چھوڑ کر
Seer gulshan kaun dekhe dasht-e-taiba chhod kar
Sooye jannat kaun jaaye dar tumhara chhod kar
سر گزشت غم کہوں کس سے تِرے ہوتے ہوئے
کس کے در پر جاؤں تیرا آستانہ چھوڑ کر
Sar guzasht gham kahoon kis se tere hote hue
Kis ke dar par jaaon tera aastana chhod kar
بے لقائے یار ان کو چین آ جاتا اگر
بار بار آتے نہ یوں جبریل سدرہ چھوڑ کر
Be liqaye yaar un ko chain aa jata agar
Bar bar aate na yun Jibreel sidrah chhod kar
کون کہتا ہے دلِ بے مُدَّعا ہے خوب چیز
میں تو کوڑی کو نہ لوں ان کی تمنا چھوڑ کر
Kaun kehta hai dil-e-be mudda'a hai khoob cheez
Main to kodi ko na loon un ki tamanna chhod kar
مر ہی جاؤں میں اگر اس دَر سے جاؤں دو قدم
کیا بچے بیمارِ غم قربِ مسیحا چھوڑ کر
Mar hi jaoon main agar is dar se jaoon do qadam
Kya bache bimaar-e-gham qurb-e-Masihah chhod kar
کس تمنا پر جئیں یارب اَسیرانِ قفس
آ چکی بادِ صبا باغِ مدینہ چھوڑ کر
Kis tamanna par jiyen yarab aseeran-e-qafas
Aa chuki baad-e-saba bagh-e-Madina chhod kar
بخشوانا مجھ سے عاصی کا رَوا ہو گا کسے
کس کے دامن میں چھپوں دامن تمہارا چھوڑ کر
Bakhshwana mujh se aasi ka rawa ho ga kise
Kis ke daaman mein chhupoon daaman tumhara chhod kar
خلد کیسا نفس سرکش جاؤں گا طیبہ کو میں
بد چلن ہٹ کر کھڑا ہو مجھ سے رَستہ چھوڑ کر
Khuld kaisa nafas sarkash jaoon ga taiba ko main
Bad chalan hat kar khada ho mujh se rasta chhod kar
ایسے جلوے پر کروں میں لاکھ حوروں کو نثار
کیا غرض کیوں جاؤں جنت کو مدینہ چھوڑ کر
Aise jalwe par karoon main laakh hooron ko nisaar
Kya gharaz kyon jaoon jannat ko Madina chhod kar
حشر میں ایک ایک کا مونھ تکتے پھرتے ہیں عدو
آفتوں میں پھنس گئے اُن کا سہارا چھوڑ کر
Hashr mein aik aik ka moonh takte phirte hain adoo
Afton mein phans gaye un ka sahara chhod kar
مر کے جیتے ہیں جو اُن کے دَر پہ جاتے ہیں حسنؔ
جی کے مرتے ہیں جو آتے ہیں مَدینہ چھوڑ کر
Mar ke jeete hain jo un ke dar pe jaate hain Hasan
Ji ke marte hain jo aate hain Madina chhod kar
Share This Naat
Share with friends and family
سیر گلشن کون دیکھے دشتِ طیبہ چھوڑ کر
حسن رضا خان