فُزوں ہیں رتبے میں شاہانِ ہفت کشور سے
جِنہیں گدائی مِلی آپؐ کی مُقدّر سے
Fuzoo hai rutbe mein shahan-e-haft keshwar se
Jinhain gadhaai mili aapؐ ki muqaddar se
وہی ہیں یار و مددگار بے سہاروں کے
گناہ گار نہ گھبرائیں خوفِ محشر سے
Wohi hain yar o madadgar be-saharon ke
Gunaahgar na ghabraain khauf-e-mahshar se
تمہارے قدموں کا دھووَن ہے خُلد کی رَونق
قمر نے روشنی پائی ہے روئے انور سے
Tumhare qadmoun ka dhowan hai khuld ki rounaq
Qamar ne roshni paai hai roye anwar se
حُضورؐ ساقئ کوثر ہیں تِشنگی کیسی
ہم اپنی پیاس بجھائیں گے جامِ کوثر سے
Huzoorؐ saqi-e-kausar hain tishnagi kaisi
Hum apni pyaas bujhaain ge jaam-e-kosar se
لیا جو نام نبیؐ رحمَتوں نے گھیر لیا
زمانے بھر کی بلائیں ٹِلیں مرے سر سے
Liya jo naam Nabiؐ rehmaton ne gher liya
Zamane bhar ki balaen tilain mere sar se
نبی کی یاد نے ہر غم سے بے نیاز کیا
خدا کا قُرب بھی پایا تو ذِکرِ سرور سے
Nabi ki yaad ne har gham se be niyaaz kiya
Khuda ka qurb bhi paaya to zikr-e-sarwar se
گناہ گار و سیہ کار ہُوں مگر خالِؔد
مُجھے کرم کی ہے اُمید بندہ پرور سے
Gunaahgar o siyaahkar hoon magar Khalid
Mujhe karam ki hai umeed banda parwar se
Share This Naat
Share with friends and family
فُزوں ہیں رتبے میں شاہانِ
خالد محمود خالد