صحرا میں برگ و شجر، سبزہ اُگانے والے
تیرے محتاج ہیں یہ سارے زمانے والے
Sahara mein barg o shajar, sabza uganay walay
Tere mohtaj hain yeh sare zamane walay
کشتیِ اُمتِ سرکارﷺ، بھنور میں آئی
پار اِس کو بھی لگادے اے تِرانے والے
Kashti-e-ummat-e-sarkarﷺ, bhanwar mein aayi
Par is ko bhi laga de ae tirane walay
تیری ہر شے میں ہے اک حُسن نمایاں مولا!
تُو ہی قادر ہے، دوعالم کو بسانے والے
Teri har shay mein hai ik husn numayan Maula!
Tu hi qadir hai, do alam ko basanay walay
تیرے جلوؤں سے منور ہوئی دنیا ساری
میرے دل کو بھی سجادے اے سجانے والے
Tere jalloo'n se munawwar hui duniya sari
Mere dil ko bhi sajade ae sajanay walay
ہیں وہ فرعون بھی نمرود بھی عبرت کا نشاں
مِٹ گئے خود ہی جو تھے حق کو مِٹانے والے
Hain woh firaun bhi Namrood bhi ibrat ka nishan
MiT gaye khud hi jo the haqq ko mita'ne walay
رب کے احکام سے ہم کیوں ہیں گریزاں آخر
رزق اُسی کا تو یہاں کھاتے ہیں کھانے والے
Rab ke ahkaam se hum kyun hain girezan aakhir
Rizq usi ka to yahan khate hain khanay walay
اب بھی کچھ وقت ہے مولا کی عبادت کرلو!
لوٹ کر آئے ہیں واپس، کبھی جانے والے
Ab bhi kuch waqt hai Maula ki ibadat kar lo!
Laut kar aaye hain wapas, kabhi janay walay
توہی شہ رگ سے بھی نزدیک مرے رہتا ہے
لاج رکھ لینا مری، دل میں سمانے والے
To hi sheh rag se bhi nazdeek mere rehta hai
Laaj rakh lena meri, dil mein smanayy walay
حمد لکھنا ترے طاہرؔ کو بھی آئی یارب
شکریہ تیرا ہے اے حمد سکھانے والے
Hamd likhna tere Tahir ko bhi aayi Ya Rab
Shukriya tera hai ae Hamd sikhnay walay
Share This Naat
Share with friends and family
صحرا میں برگ و شجر، سبزہ اُگانے والے
طاہر سلطانی