ہمیشہ اپنے بندوں پہ رہا لطف و کرم تیرا
سہارا بے سہاروں کو مُیسر ہے بہم تیرا
Hamesha apne bandon pe raha lutf o karam tera
Sahara be saharon ko muyassar hai baham tera
گناہوں کی سیہ چادر لپیٹے جو بھی آتا ہے
سبھی کو اپنے دامن میں چھپاتا ہے حرم تیرا
Gunahon ki siyah chadar lapete jo bhi aata hai
Sabhi ko apne daman mein chhupata hai haram tera
شہنشاہوں کے دروازے تو اکثر بند ملتے ہیں
کُھلا رہتا ہے منگتوں پر سدا بابِ کرم تیرا
Shehenshahoon ke darwaze to aksar band milte hain
Khula rehta hai mangton par sada bab-e-karam tera
میں خود بھی ہوں بہت چھوٹا ‘ مِرے الفاظ بھی چھوٹے
سو کیونکر مجھ سے ہو پائے گا ذکرِ حق رقم تیرا
Mein khud bhi hoon bohat chhota, mire alfaaz bhi chhotay
So kyonkar mujh se ho paaye ga zikr-e-haq raqam tera
مِرے دامن میں کیا میرا سبھی انعام ہے تیرا
یہ توفیقِ ثناء تیری یہ قرطاس و قلم تیرا
Mire daman mein kya mera sabhi inaam hai tera
Yeh tawfeeq-e-sana teri yeh qirtaas o qalam tera
مِرے ہاتھوں نے تھاما ہے تِرے محبوب کا دامن
جلیلِ بے نوا پر کیا یہی احسان کم تیرا
Mire haathon ne thama hai tere Mehboob ka daaman
Jaleel-e-be nawa par kya yehi ihsaan kam tera
Share This Naat
Share with friends and family
ہمیشہ اپنے بندوں پہ رہا لطف و کرم تیرا
حافظ عبدالجلیل