یا الٰہی! ہر جگہ تیری عطا کا ساتھ ہو
جب پڑے مشکل شہِ مشکل کشا کا ساتھ ہو
Ya ilahi! har jagah teri ata ka saath ho
Jab paray mushkil shah-e-mushkil kusha ka saath ho
یا الٰہی! بھول جاؤں نزع کی تکلیف کو
شادیِ دیدارِ حُسنِ مصطفیٰ کا ساتھ ہو
Ya ilahi! bhool jaaun naz ki takleef ko
Shaadi-e-deedaar-e-husn-e-mustafa ka saath ho
یا الٰہی! گورِ تیرہ کی جب آئے سخت رات
اُن کے پیارے منھ کی صبحِ جاں فزا کا ساتھ ہو
Ya ilahi! gor-e-teera ki jab aaye sakht raat
Un ke payare munh ki subh-e-jaan fiza ka saath ho
یا الٰہی! جب پڑے محشر میں شورِ دار و گیر
امن دینے والے پیارے پیشوا کا ساتھ ہو
Ya ilahi! jab paray mahshar mein shor-e-daar o geer
Aman dene wale pyaray peshwa ka saath ho
یا الٰہی! جب زبانیں باہر آئیں پیاس سے
صاحبِ کوثر شہِ جود و عطا کا ساتھ ہو
Ya ilahi! jab zubanein bahar aayein pyaas se
Saahib-e-kausar shah-e-jood o ata ka saath ho
یا الٰہی! سرد مہری پر ہو جب خورشیدِ حشر
سیّدِ بے سایہ کے ظِلِّ لِوا کا ساتھ ہو
Ya ilahi! sard mehri par ho jab khursheed-e-hashr
Saiyyad-e-be saaya ke zil-e-lawa ka saath ho
یا الٰہی! گرمیِ محشر سے جب بھڑکیں بدن
دامنِ محبوب کی ٹھنڈی ہوا کا ساتھ ہو
Ya ilahi! garmi-e-mahshar se jab bhadkein badan
Daman-e-mehboob ki thandi hawa ka saath ho
یا الٰہی! نامۂ اعمال جب کھلنے لگیں
عیب پوشِ خلق، ستّارِ خطا کا ساتھ ہو
Ya ilahi! naam-e-aamaal jab khulne lagein
Aib posh-e-khalq, sattar-e-khata ka saath ho
یا الٰہی! جب بہیں آنکھیں حسابِ جرم میں
اُن تبسّم ریز ہونٹوں کی دُعا کا ساتھ ہو
Ya ilahi! jab bahein aankhein hisaab-e-jurm mein
Un tabassum reez honton ki dua ka saath ho
یا الٰہی! جب حسابِ خندۂ بے جا رُلائے
چشمِ گریانِ شفیعِ مُرتجٰی کا ساتھ ہو
Ya ilahi! jab hisaab-e-khanda-e-beja rulaaye
Chashm-e-giryaan-e-shafi-e-murtaja ka saath ho
یا الٰہی! رنگ لائیں جب مِری بے باکیاں
اُن کی نیچی نیچی نظروں کی حیا کا ساتھ ہو
Ya ilahi! rang laayen jab meri be baakiyaan
Un ki neechi neechi nazron ki haya ka saath ho
یا الٰہی! جب چلوں تاریک راہِ پل صراط
آفتابِ ہاشمی نور الہُدیٰ کا ساتھ ہو
Ya ilahi! jab chalun tareek raah-e-pul sirat
Aftaab-e-hashmi noor-ul-huda ka saath ho
یا الٰہی! جب سرِ شمشیر پر چلنا پڑے
رَبِّ سَلِّمْ کہنے والے غم زُدا کا ساتھ ہو
Ya ilahi! jab sar-e-shamsheer par chalna paray
Rabb-e-sallim kehne wale gham-zuda ka saath ho
یا الٰہی! جو دعائے نیک میں تجھ سے کروں
قدسیوں کے لب سے آمیں رَبَّنَا کا ساتھ ہو
Ya ilahi! jo dua-e-neik mein tujh se karun
Qudsiiyon ke lab se aameen rabbana ka saath ho
یا الٰہی! جب رؔضا خوابِ گراں سے سر اٹھائے
دولتِ بیدار عشقِ مصطفیٰ کا ساتھ ہو
Ya ilahi! jab Raza khwaab-e-garan se sar uthaye
Daulat-e-bedaar ishq-e-mustafa ka saath ho
Share This Naat
Share with friends and family
یا الٰہی! ہر جگہ تیری عطا کا ساتھ ہو
احمد رضا خان بریلوی