Manqabat
سبطِ سرکارِؐ دوعالم کا کہاں ثانی ہے
سبطِ سرکارِؐ دوعالم کا کہاں ثانی ہے
جیسا منصب ہے بڑا ویسی ہی قربانی ہے
Sibt-e-Sarkar-e-Do Aalam ka kahan saani hai
Jaisa mansab hai bara waisi hi qurbani hai
ایک اظہارِ’’ فنا فی اللہ‘‘ ہے سجدا تیرا
منزلِ عشق تو آقا تری پیشانی ہے
Ek izhaar-e- "fana fi Allah" hai sajda tera
Manzil-e-ishq to aaqa teri peshani hai
ہر حوالہ ہی ترا ایک سند ہے آقا
ہر زمانہ ہی ترا عہدِ ثنا خوانی ہے
Har hawala hi tera ek sanad hai aaqa
Har zamana hi tera ahd-e-sana khwani hai
آلِ اطہار کے خیمہ میں ہے بس نور ہی نور
رُخِ باطل پہ فقط وحشت و ویرانی ہے
Aal-e-Athar ke khaima mein hai bas noor hi noor
Rukh-e-baatil pe faqat vehasht o veerani hai
لشکرِ ظلم کو عبرت کا نشاں کرڈالا
تیر ے کردار کی ہردور میں سلطانی ہے
Lashkar-e-zulm ko ibrat ka nishan kardaala
Tere kirdar ki har daur mein sultani hai
سر کٹاتے ہیں بصد ناز وفا کے پیکر
کیسا اخلاص ہے کیا جذبہِ ایمانی ہے
Sar katate hain ba sad naaz wafa ke paikar
Kaisa ikhlas hai kya jazba-e-imani hai
گر حسینی ہو تو پھر دین سے دوری کیسی
روحِ شبیرؓکو اس بات پہ حیرانی ہے
Gar hussaini ho to phir deen se doori kaisi
Rooh-e-Shabbir ko is baat pe herani hai
عشق کب دائرہِ عقل میں آتا ہے شکیلؔ
حق نے باطل کی کہاں آج تلک مانی ہے
Ishq kab daira-e-aqal mein aata hai Shakeel
Haq ne baatil ki kahan aaj talak mani hai
Share This Naat
Share with friends and family
سبطِ سرکارِؐ دوعالم کا کہاں ثانی ہے
محمد شکیل نقشبندی