کیسے بیاں ہو شان بناتِ رسولؐ کی
قدرت تھی ہمزبان بناتِ رسولؐ کی
Kaise byaan ho shaan banaat-e-Rasoolؐ ki
Qudrat thi humzabaan banaat-e-Rasoolؐ ki
چاروں کی چاروں لائقِ صد احترام ہیں
مثلِ فلک ہے آن بناتِ رسولؐ کی
Chaaron ki chaaron laa'iq-e-sad ehteraam hain
Misl-e-falak hai aan banaat-e-Rasoolؐ ki
تھیں مادرِ عظیم خدیجہ کی یادگار
نیکی تھی آن بان بناتِ رسولؐ کی
Theen madar-e-azeem Khadija ki yaadgaar
Neki thi aan baan banaat-e-Rasoolؐ ki
ان میں رواں تھا حضرتِ خیر الوریٰؐ کا خون
فطرت تھی رازدان بناتِ رسولؐ کی
In mein rawaan tha Hazrat-e-Khair-ul-Waraؐ ka khoon
Fitrat thi raazdaan banaat-e-Rasoolؐ ki
کم کم لبوں پہ آتا رہا حرف ِ مدعا
چپ ہوتی ترجمان بناتِ رسولؐ کی
Kam kam labon pe aata raha harf-e-mudda
Chup hoti tarjuman banaat-e-Rasoolؐ ki
نیچی نگاہ کر کے جھکا کر سرِ نیاز
کہتے ہیں داستان بناتِ رسولؐ کی
Neechi nigah kar ke jhuka kar sar-e-niaz
Kehte hain daastaan banaat-e-Rasoolؐ ki
تائبؔ جو ہے رضائے پیمبرؐ کی آرزو
تو قیر دل سے مان بناتِ رسولؐ کی
Taibؔ jo hai rizaye Paighambarؐ ki aarzu
To qeer dil se maan banaat-e-Rasoolؐ ki
Share This Naat
Share with friends and family
کیسے بیاں ہو شان بناتِ رسولؐ کی
حفیظ تائب