وفا پرستوں میں ننھا پسر حسین کا ہے
دیارِ کرب کی جانب سفر حسین کا ہے
Wafa parasto'n mein nanha pisar Hussain ka hai
Dayar-e-Karb ki janib safar Hussain ka hai
طواف کرتی ہے جس گھر کا آیتِ تطہیر
وہ پاک باز گھرانہ ہے گھر حسین کا ہے
Tawaa'f karti hai jis ghar ka ayat-e-tatheer
Woh paak-baaz gharana hai ghar Hussain ka hai
اُدھر ہزاروں کی تعداد اِدھر بہتّر ہیں
اُدھر یزید کا لشکر اِدھر حسین کا ہے
Udhar hazaro'n ki taadaad, idhar bahtar hai'n
Udhar Yazeed ka lashkar, idhar Hussain ka hai
اگر چہ ہیں وہ ہزاروں شمار میں لیکن
دلوں میں لشکرِ باطل کے، ڈر حسین کا ہے
Agarche hai'n woh huzaro'n shumaar mein lekin
Dilon mein lashkar-e-baatil ke, dar Hussain ka hai
زمینِ کرب و بلا میں کٹا کے سر اپنا
نبی کا دین بچانا ہنر حسین کا ہے
Zameen-e-Karb o bala mein kata ke sar apna
Nabi ka deen bachana hunar Hussain ka hai
ستم پہ صبر کی تلوار پڑ گئی بھاری
ستمگروں پہ ابھی تک اثر حسین کا ہے
Sitm pe sabr ki talwaar par gayi bhaari
Sitmgaro'n pe ab tak asar Hussain ka hai
غروب ہو گیا سورج یزیدِ فاسق کا
مگر فلک پہ درخشاں قمر حسین کا ہے
Ghuroob ho gaya sooraj Yazeed-e-faasiq ka
Magar falak pe darakhshaan qamar Hussain ka hai
ہے جو حیاتِ شہیداں پہ دال وہ آیت
اُسے سنائیے جو نوحہ گر حسین کا ہے
Hai jo hayaat-e-shuhada pe daal woh ayat
Usay sunaayiye jo noha gar Hussain ka hai
زباں پہ پھر بھی ہیں قرآں کی آیتیں جاری
جدا بدن سے ہے ، نیزے پہ سر حسین کا ہے
Zuban pe phir bhi hai'n Quran ki aayatein jaari
Juda badn se hai, neze pe sar Hussain ka hai
پیا ہے جس نے شہادت کا جام بچپن میں
شفیقؔ وہ علی اصغر پِسر حسین کا ہے
Piya hai jis ne shahadat ka jaam bachpan mein
Shafiq woh Ali Asghar, pisar Hussain ka hai
Share This Naat
Share with friends and family
وفا پرستوں میں ننھا پسر حسین کا ہے
شفیق ؔ رائے پوری