رمضان کا مہینہ ہے ایماں سے منسلک
اللہ کے حبیب سے قرآں سے منسلک
Ramzan ka mahina hai imaan se munssalik
Allah ke Habeeb se Quraan se munssalik
رزقِ خدا جو اترا ہے شعبان ماہ میں
اس کا ہی شکر کرتے ہیں رمضان ماہ میں
Rizq-e-Khuda jo utra hai Sha'ban maah mein
Us ka hi shukar karte hain Ramzan maah mein
دن میں خدا کے حکم کی تعمیل کرتے ہیں
یعنی سحر سے شام تلک روزہ رکھتے ہیں
Din mein Khuda ke hukum ki tameel karte hain
Yani seher se shaam talak roza rakhte hain
مغرب کے وقت کھلتا ہے روزہ کھجور سے
ملتا ہے نعمتوں کا خزانہ حضور سے
Maghrib ke waqt khulta hai roza khajoor se
Milta hai naimaton ka khazana Huzoor se
جو ہے ہزار ماہ سے افضل وہ ایک رات
اتریں فرشتے جس میں مسلسل وہ ایک رات
Jo hai hazaar maah se afzal woh ek raat
Utrein farishte jis mein musalsal woh ek raat
قرآن پاک کا ہوا اس رات میں نزول
رب نے عطا کیے ہمیں اسلام کے اصول
Quraan Paak ka hua is raat mein nazool
Rab ne ata kiye humein Islam ke usool
روزے میں رب کا خوف ہے پاکی ہے خیر ہے
روزے کے رکھنے والے کو جنت کی سیر ہے
Roze mein Rab ka khauf hai paaki hai khair hai
Roze ke rakhne wale ko jannat ki sair hai
روزے کا اجر اور جزا کردگار خود
ملتا ہے روزہ دار سے پروردگار خود
Roze ka ajr aur jaza Kirdaar khud
Milta hai rozadar se Parwardigaar khud
راتوں کو روزہ دار تراویح جب پڑھیں
ہر ہر رکعت کے ساتھ کئی مرتبے بڑھیں
Raaton ko rozadar Taraweeh jab padhe
Har har rakat ke saath kayi martabe badhe
سحری کے وقت ساری دعائیں قبول ہوں
افطار میں جو کھائیں غذائیں قبول ہوں
Sehri ke waqt sari duaen qubool hon
Iftaar mein jo khayein ghizaein qubool hon
خوشبو جو روزہ دار کے منہ سے نکلتی ہے
رب کو وہ مشک سے بھی کہیں اچھی لگتی ہے
Khushboo jo rozadar ke munh se nikalti hai
Rab ko woh mushk se bhi kahin achhi lagti hai
نعمت زمیں پہ آتی ہے شعبان جاتے ہی
ابلیس قید ہوتا ہے رمضان آتے ہی
Naimat zameen pe aati hai Sha'ban jaate hi
Iblees qaid hota hai Ramzan aate hi
روزے میں روزہ دار جو کرتا ہے نیکیاں
ان کے عوض اسے ملے اللہ کی اماں
Roze mein rozadar jo karta hai nekiyan
Un ke ewaz use mile Allah ki amaan
روزہ ہو منہ میں لب پہ ہوں قرآں کی آیتیں
پھر کیوں نہ ایسے شخص کو خوش خبریاں ملیں
Roza ho munh mein lab pe hon Qur'an ki aayatein
Phir kyu na aise shakhs ko khush khabriyaan milein
خوش خبری سب سے بڑھ کے ہے جنت کی دوستو
رب کی رضا نبی کی شفاعت کی دوستو
Khush khabri sab se barh ke hai jannat ki dosto
Rab ki raza Nabi ki shafaat ki dosto
مزدوری ماہ بھر جو کی پروردگار کی
اجرت میں عید مل گئی صد انتظار کی
Mazdoori maah bhar jo ki Parwardigaar ki
Ujrat mein Eid mil gayi sada intezaar ki
فطرے کے حکم میں ہے مساوات کا سبق
مفلس کا بھی خیال ہو اس بات کا سبق
Fitray ke hukum mein hai masawaat ka sabaq
Muflis ka bhi khayal ho is baat ka sabaq
پیسہ جو ہو غریب بھی کپڑے بنائیں گے
سب ایک ساتھ عید کی خوشیاں منائیں گے
Paisa jo ho ghareeb bhi kapre banayenge
Sab ek saath Eid ki khushiyan manayenge
یارب ہمیں بھی روزوں کی برکات ہوں عطا
سارے گناہ معاف ہوں اور بخش دے خطا
Ya Rab humein bhi rozon ki barkaat hon ata
Saare gunah maaf hon aur baksh de khata
رمضاں میں ہم عبادتیں بھرپور کر سکیں
تیری رضا سے جھولیاں ہم اپنی بھر سکیں
Ramzaan mein hum ibadatein bharpoor kar sakein
Teri raza se jholiyan hum apni bhar sakein
روزہ رکھیں قرآن سنیں نفل بھی پڑھیں
تقویٰ پرہیزگاری کے زینوں پہ ہم چڑھیں
Roza rakhein Qur'an sunen nafal bhi padhein
Taqwa parhezgaari ke zinoon pe hum charhein
صدقہ میں مصطفیٰ کے ہمیں شاد کام رکھ
اپنے حبیبِ پاک کا ہم کو غلام رکھ
Sadqa mein Mustafa ke humein shaad kaam rakh
Apne Habeeb-e-Paak ka hum ko ghulaam rakh
نظمی نے یہ قصیدہ جو رمضان کا لکھا
عمرے کا اجر قدرتِ رحمان سے ملا
Nazmi ne ye qaseeda jo Ramzan ka likha
Umre ka ajr qudrat-e-Rehman se mila
Share This Naat
Share with friends and family
رمضان کا مہینہ ہے ایماں سے منسلک
سید آل رسول حسنین میاں برکاتی نظمی