دوشِ رحمت پہ بار ہیں ہم لوگ
کیسے عصیاں شعار ہیں ہم لوگ
Dosh-e-Rehmat pe baar hain hum log
Kaise isiyan shaar hain hum log
دستِ قدرت سنبھالتا ہَے جنہیں
وہ تِرے بادہ خوار ہیں ہم لوگ
Dast-e-qudrat sambhalta hai jinhein
Wo tere badah khwar hain hum log
پھُول کیوں ہم سے ہمکنار نہ ہو ں
تیرے کُوچے کے خار ہیں ہم لوگ
Phool kyun hum se hamkinar na hon
Tere kooche ke khar hain hum log
ہم کو سونپی گئی امانتِ عشِق
قابلِ اعتبار ہیں ہم لوگ
Hum ko sonpi gayi amanat-e-ishq
Qabil-e-aitbar hain hum log
قبر میں بھی جنہیں سَکُوں نہ مِلا
تیرے وہ بیقرار ہَیں ہم لوگ
Qabar mein bhi jinhein sukoon na mila
Tere wo beqarar hain hum log
تیری آنکھوں کی مستیوں کی قسم
میکدے کی بہار ہیں ہم لوگ
Teri aankhon ki mastiyon ki qasam
Maikade ki bahar hain hum log
دولتِ درد مِل گئی اعظؔم
آج کل مالدار ہیں ہم لوگ
Daulat-e-dard mil gayi Aazm
Aaj kal maldar hain hum log
Share This Naat
Share with friends and family
دوشِ رحمت پہ بار ہیں ہم لوگ
محمد اعظم چشتی