سُونا جنگل رات اندھیری چھائی بدلی کالی ہے
سونے والو! جاگتے رہیو چوروں کی رکھوالی ہے
Sona jangal raat andheri chhaayi badli kaali hai
Sone walo! jaagte rehiyo choron ki rakhwali hai
آنکھ سے کاجل صَاف چُرا لیں یاں وہ چور بلا کے ہیں
تیری گٹھری تاکی ہے اور تُو نے نیند نکالی ہے
Aankh se kajal saaf chura lein yaan woh chor bhala ke hain
Teri guthri taaki hai aur tu ne neend nikaali hai
یہ جو تجھ کو بلاتا ہے یہ ٹھگ ہے مار ہی رکھے گا
ہائے مسافر دم میں نہ آنا مَت کیسی متوالی ہے
Yeh jo tujh ko bulaata hai yeh thag hai maar hi rakhega
Haaye musaafir dam mein na aana mat kaisi matwali hai
سَونا پاس ہے سُونا بن ہے سَونا زہر ہے اُٹھ پیارے
تُو کہتا ہے نیند ہے میٹھی تیری مت ہی نِرالی ہے
Sona paas hai sona ban hai sona zehar hai uth pyaare
Tu kehta hai neend hai meethi teri mat hi niraali hai
آنکھیں ملنا جھنجھلا پڑنا لاکھوں جمائی اَنگڑائی
نام پر اُٹھنے کے لڑتا ہے اُٹھنا بھی کچھ گالی ہے
Aankhen milna jhanjhula padna laakhon jhmaayi angdaayi
Naam par uthne ke ladta hai uthna bhi kuchh gaali hai
جگنو چمکے پتا کھڑکے مجھ تنہا کا دِل دھڑکے
ڈر سمجھائے کوئی پون ہے یا اگیا بیتالی ہے
Jugnu chamke pata khadke mujh tanha ka dil dhadke
Dar samjhaaye koi paon hai ya agiya beetaali hai
بادل گرجے بجلی تڑپے دَھک سے کلیجا ہو جائے
بن میں گھٹا کی بَھیانک صورت کیسی کالی کالی ہے
Badal garje bijli tarapke dhak se kaleja ho jaaye
Ban mein ghata ki bhayanak soorat kaisi kaali kaali hai
پاؤں اُٹھا اور ٹھوکر کھائی کچھ سنبھلا پھر اَوندھے مُنھ
مِینھ نے پھسلن کر دی ہے اور دُھر تک کھائی نالی ہے
Paun utha aur thokar khai kuchh sambhla phir aundhe munh
Meenh ne phislan kar di hai aur dhur tak khai naali hai
ساتھی سَاتھی کہہ کے پکاروں ساتھی ہو تو جواب آئے
پھر جھنجھلا کر سر دے پٹکوں چَل رے مولیٰ والی ہے
Saathi saathi keh ke pukaron saathi ho to jawaab aaye
Phir jhanjhula kar sir de patkoon chal re Moula wali hai
پھر پھر کر ہر جانب دیکھوں کوئی آس نہ پاس کہیں
ہاں اِک ٹُوٹی آس نے ہارے جی سے رَفاقت پالی ہے
Phir phir kar har jaanib dekhoon koi aas na paas kahin
Haan ik tooti aas ne haare ji se rafaakat paali hai
تم تو چاند عرب کے ہو پیارے تم تو عجم کے سُورج ہو
دیکھو مجھ بے کس پر شب نے کیسی آفت ڈالی ہے
Tum to chaand arab ke ho pyaare tum to ajam ke sooraj ho
Dekho mujh be kas par shab ne kaisi aafat daali hai
دُنیا کو تُو کیا جانے یہ بس کی گانٹھ ہے حرافہ
صورت دیکھو ظالم کی تو کیسی بھولی بھالی ہے
Duniya ko tu kya jaane yeh bas ki ganth hai haraafa
Soorat dekho zaalim ki to kaisi bhooli bhaali hai
شہد دکھائے زہر پلائے، قاتل، ڈائن، شوہر کش
اس مردار پہ کیا للچایا دُنیا دیکھی بھالی ہے
Shehad dikhaaye zehar pilaaye, qatil, daayan, shauhar kash
Is murdaar pe kya lalchaaya duniya dekhi bhaali hai
وہ تو نہایت سَستا سودا بیچ رہے ہیں جنت کا
ہم مفلِس کیا مول چکائیں اپنا ہاتھ ہی خالی ہے
Woh to nihaayat sasta sauda bech rahe hain jannat ka
Hum muflis kya moul chukaayein apna haath hi khaali hai
مولیٰ تیرے عفو و کرم ہوں میرے گواہ صفائی کے
ورنہ رضاؔ سے چور پہ تیری ڈِگری تو اِقبالی ہے
Moula tere afw wa karam hoon mere gawaah safai ke
Warna Raza se chor pe teri degree to iqbaali hai
Share This Naat
Share with friends and family
سُونا جنگل رات اندھیری چھائی بدلی کالی ہے
احمد رضا خان بریلوی