naat
کانِ کرامت شانِ شفاعت صلی اللہ علیہ وسلم
کانِ کرامت شانِ شفاعت صلی اللہ علیہ وسلم
مظہرِ شانِ دستِ قدرت صلی اللہ علیہ وسلم
Kaan-e-karamat shan-e-shafaat ﷺ
Mazhar-e-shan-e-dast-e-qudrat ﷺ
رمزِ حیات و کنزِ خلقت صلی اللہ علیہ وسلم
مصدرِ ایماں جانِِ عبادت صلی اللہ علیہ وسلم
Ramz-e-hayat o kanz-e-khilqat ﷺ
Masdar-e-iman jaan-e-ibadat ﷺ
وہ ہی حریمِ بزمِ رسالت صلی اللہ علیہ وسلم
وہ ہی نشانِ ختمِ نبوت صلی اللہ علیہ وسلم
Wo hi hareem-e-bazm-e-risalat ﷺ
Wo hi nishan-e-khatm-e-nabuwwat ﷺ
عرش اور فرش میں ان کی شہرت صلی اللہ علیہ وسلم
گلشن گلشن ان کی نکہت صلی اللہ علیہ وسلم
Arsh aur farsh mein un ki shohrat ﷺ
Gulshan gulshan un ki nighat ﷺ
وہ ہی ستونِ قصرِ نبوت صلی اللہ علیہ وسلم
وہ ہی علیمِ سرِّ وحدت صلی اللہ علیہ وسلم
Wo hi sutoon-e-qasr-e-nabuwwat ﷺ
Wo hi aleem-e-sirr-e-wahdat ﷺ
نعلِ مقدس عرش کی زینت صلی اللہ علیہ وسلم
میرِ سیاحت صاحبِ رفعت صلی اللہ علیہ وسلم
Naal-e-muqaddas arsh ki zeenat ﷺ
Mir-e-siyahat sahib-e-rafat ﷺ
ہر لبِ گل پر چرچا ان کا دشت و صحرا ذکر انہی کا
ہر جا ہر سو ان کی شہرت صلی اللہ علیہ وسلم
Har lab-e-gul par charcha un ka dasht o sahrra zikar unhi ka
Har ja har su un ki shohrat ﷺ
ان کی مدحت رب کی سنّت ان کی محبت اصل عبادت
اسم گرامی قلب کی راحت صلی اللہ علیہ وسلم
Un ki madhet rab ki sunnat un ki mohabbat asal ibadat
Ism-e-grami qalb ki rahat ﷺ
صدق و عدل و مروت پر ہے ان کے ہی قدموں کا اجارہ
منبعِ رحم و جود و سخاوت صلی اللہ علیہ وسلم
Sidq o adl o murawwat par hai un ke hi qadmon ka ijara
Manba-e-rahm o jood o sakawat ﷺ
امتیں ساری روزِ محشر آپ ہی کی خدمت میں حاضر
آپ ہی ہیں ماذونِ شفاعت صلی اللہ علیہ وسلم
Ummaten sari roz-e-mahshar aap hi ki khidmat mein hazir
Aap hi hain mazoon-e-shafaat ﷺ
نظمی تیری ساری کلفت آناً فاناً دور ہوئی ہے
دیکھی دیکھی درود کی برکت صلی اللہ علیہ وسلم
Nazmi teri sari kulfat aana’n fana’n daur hui hai
Dekhi dekhi darood ki barkat ﷺ
Share This Naat
Share with friends and family
کانِ کرامت شانِ شفاعت صلی اللہ علیہ وسلم
سید آل رسول حسنین میاں برکاتی نظمی