رہبر ہے رہنما ہے سیرت حضور کی
منزل ہے راستہ ہے سیرت حضور کی
Rahbar hai rahnuma hai seerat Huzoor ki
Manzil hai rasta hai seerat Huzoor ki
آدابِ زندگی کی روشن کتابِ جاں
تحریرِ دلکشا ہے سیرت حضور کی
Adab-e-zindagi ki roshan kitaab-e-jaan
Tehreer-e-dilkasha hai seerat Huzoor ki
اک جہدِ مستقل کا پیہم نصابِ زیست
ہمّت فزا ادا ہے سیرت حضور کی
Ek jehd-e-mustaqil ka paiham nisaab-e-zeest
Himmat-faza ada hai seerat Huzoor ki
مہر و وفا، مروّت، بندہ نوازیاں
بندوں کا آسرا ہے سیرت حضور کی
Mehr o wafa, murrwat, banda nawaziyaan
Bandon ka aasra hai seerat Huzoor ki
سچّائی ، سادگی و ایفائے عہد سب
عظمت کی انتہا ہے سیرت حضور کی
Sacchai, saadiagi o eefaye ahd sab
Azmat ki inteha hai seerat Huzoor ki
ہیں کان وہ حیا کی عاداتِ دلبری
گنجینۂ سخا ہے سیرت حضور کی
Hain kaan wo haya ki aadaat-e-dilbari
Ganjina-e-sakha hai seerat Huzoor ki
ہے عفو ، در گزر میں اپنی مثال آپ
دشمن کو بھی دعا ہے سیرت حضور کی
Hai afw, dar guzar mein apni misaal aap
Dushman ko bhi dua hai seerat Huzoor ki
رکھ دو حضور کے در سب زندگی کے روگ
ہر روگ کی دوا ہے سیرت حضور کی
Rakh do Huzoor ke dar sab zindagi ke rog
Har rog ki dawa hai seerat Huzoor ki
شکرِ خدا کہ وقفِ سیرت ہوں اب ظفر
جیون کا مدّعا ہے سیرت حضور کی
Shukar-e-Khuda ke waqf-e-seerat hoon ab Zafar
Jeevan ka mad'aa hai seerat Huzoor ki
Share This Naat
Share with friends and family
رہبر ہے رہنما ہے سیرت حضور کی
محمد ظفراقبال نوری