رُوح و بد ن میں ‘ قول و عمل میں ‘ کتنے جمیل ہیں آپ
اِنساں ہے مسجودِ ملائک ‘ اِس کی دلیل ہیں آپ
Ruh o badan mein ' qoul o amal mein ' kitne jameel hain aap
Insaan hai masjood e malaaik ' is ki daleel hain aap
آپ کی اِک اِک بات کلام ِ الٰہی کی تفسیر
قرآں تو اجمالِ بلیغ ہے ‘ اور تَفصیل ہیں آپ
Aap ki ik ik baat kalaam e ilaahi ki tafseer
Qur'an to ijmaal e baleegh hai ' aur tafseel hain aap
آپ نویدِ عیسیٰؑ بھی ہیں ‘ ہے مژدہء موسیٰؑ بھی
آپ اِیثار و وفا کے وَارِث ‘ سبطِ خلیل ؑ ہیں آپ
Aap naveed e eisa bhi hain ' hai mujda e Moosa bhi
Aap eesaar o wafaa ke waaris ' sbt e khaleel hain aap
آپ کے ذِکر سے کُھلتے جائیں ‘ راز جہانوں کے
قدم قدم پہ وجود و عدم میں سب کے کفیل ہیں آپ
Aap ke zikar se khulte jaayen ' raaz jahaanon ke
Qadam qadam pe wujood o adam mein sab ke kafeel hain aap
مَکّہ و طائف کی گلیوں میں سنگِ ستم کے ہدف
بدر و حنین کے میدانوں میں بطلِ جلیل ہیں آپ
Makka o Taif ki galiyoon mein sang e sitam ke hadaf
Badr o Hunain ke maidaanon mein batal e jaleel hain aap
روزِ اَزّل ‘ اِنساں کو خدا نے اِک منشور دِیا
اَور اِسی منشور ِ ہدایت کی تکمیل ہیں آپ
Roz e azal ' insaan ko Khuda ne ik manshoor diya
Aur isi manshoor e hidayat ki takmeel hain aap
کتنے یقین سے بڑھتا جائے آپ کی سمت ندیم ؔ
اُس کو کیا اَندیشہء شب ‘ جِس کی قندیل ہیں آپ
Kitne yaqeen se barhta jaaye aap ki simt Nadeem
Us ko kya andesha e shab ' jis ki qandeel hain aap
Share This Naat
Share with friends and family
رُوح و بد ن میں ‘ قول و عمل میں ‘ کتنے جمیل ہیں آپ
احمد ندیم قاسمی