کافر کو بھی شعورِ وجودِ خدا دیا
اُس نے تو دشت کو بھی گُلستاں بنا دیا
Kaafir ko bhi shaoor-e-wajood-e-Khuda diya
Us ne to dasht ko bhi gulistaan bana diya
صدیوں جنہیں نہ کچھ نظر آیا بجز غُبار
اُن کو بھی آفتابِ حقیقت دِکھا دیا
Sadiyon jinhein na kuch nazar aaya bajuz ghubar
Un ko bhi aaftaab-e-haqiqat dikha diya
نفرت کے بُت کدے سے نکالے صنم تمام
اور طاق پر چراغِ محبت جلا دیا
Nafrat ke but kade se nikaale sanam tamaam
Aur taaq par charaagh-e-mohabbat jala diya
جو جاہلیتو ں کی فضا میں پلے بڑھے
اُن کو بھی زندگی کا سلیقہ سکھا دیا
Jo jaahilito ki fiza mein pale barhe
Un ko bhi zindagi ka saleeqa sikha diya
منعم کو مال و دولتِ دنیا پہ تھا غرو ر
اُس ؐ نے یہ امتیاز سرے سے مٹا دیا
Muneem ko maal o daulat-e-duniya pe tha gharur
Us ne ye imtiaz siray se mita diya
فریاد رَس ہے کتنا مرا بوریا نشیںؐ
قطرہ طلب کیا ہے تو دریا بہا دیا
Faryaad ras hai kitna mera boriya nashin
Qatra talab kiya hai to dariya baha diya
معراج ہے علامت ِ تسخیر ِ کائنات
یوں فرش اُس نے عرش عُلا سے مِلا دیا
Meraaj hai alamat-e-tasqheer-e-kainaat
Yun farsh us ne arsh ula se mila diya
Share This Naat
Share with friends and family
کافر کو بھی شعورِ وجودِ خدا دیا
احمد ندیم قاسمی