رہا خیال مصطفیٰ کی ذات سے جُڑا ہوا
یہ نام ہے ہماری بات بات سے جُڑا ہوا
raha khayaal Mustafa ki zaat se juda hua
ye naam hai humari baat baat se juda hua
وہی رہے گا معتبر کریم کی نگاہ میں
جو حرف ہے شہِ عرب کی نعت سے جُڑا ہوا
wohi rahe ga معتبر kareem ki nigaah mein
jo harf hai shah-e-arab ki naat se juda hua
نگل ہی جائے تیرگی ہمارے خواب خواب کو
اگر نہ ذکرِ زلفِ شہ ہو رات سے جُڑا ہوا
nigal hi jaaye teeragi humare khwab khwab ko
agar na zikr-e-zulf-e-shah ho raat se juda hua
خطا مری معاف ہو اگر ہوں آپ ملتفت
نصیب ہے حُضور التفات سے جُڑا ہوا
khata meri maaf ho agar hon aap multafat
naseeb hai Huzoor iltifaat se juda hua
صراطِ خلد دیکھتا ہوں جس کی رہنمائی میں
وہ نورِ نعت ہے قلم دوات سے جُڑا ہوا
siraat-e-khuld dekhta hon jis ki rehnumai mein
wo noor-e-naat hai qalam dawat se juda hua
ترے ہی دم سے روئے کائنات پر ہیں رونقیں
ترے ہی دم سے ربط ہے حیات سے جُڑا ہوا
tere hi dum se roye kainaat par hain ronqe
tere hi dum se rabt hai hayaat se juda hua
جسے ملی ہے نسبتِ قدومِ شاہِ دوسرا
وہی رہے گا دائمی ثبات سے جُڑا ہوا
jise mili hai nisbat-e-qadum-e-Shah-e-dosra
wohi rahe ga daimi sabat se juda hua
Share This Naat
Share with friends and family
رہا خیال مصطفیٰ کی ذات سے جُڑا ہوا
اشفاق احمد غوری