ربیعِ اول میں موسموں کے نصاب اترے
ترستے صحراؤں میں شگفتہ گلاب اترے
Rabi' ul Awal mein mausamon ke nisab utray
Tarastay sahraron mein shagufta gulab utray
نعالِ شاہِ امم کا لمسِ منیر پانے
حرا کی آغوش میں کئی ماہتاب اترے
Ne'al-e Shah-e Ummam ka lams-e moneer pane
Hira ki aaghosh mein kai mahtab utray
ہماری آنکھوں میں یادِ بطحا کا نور چمکا
کنارِ مژگاں برسنے والے سحاب اترے
Hamari aankhon mein yaad-e Batha ka noor chamka
Kinar-e mzgwan barasne wale sahab utray
ہزاروں قدسی زمیں پہ بیٹھے تھے پر بچھائے
رکابِ قصویٰ سے جس گھڑی آں جناب اترے
Hazaron kudsi zameen pe baithe the par bichhaye
Rakaab-e Qaswa se jis ghari aan jnab utray
جھکایا سر میرے خام خامہ نے بہرِ مدحت
تو حرف قرطاسِ قلب پر مستجاب اترے
Jhukaya sar mere kham khama ne behar-e madah
To harf qartaas-e qalb par mustajab utray
ہماری پلکیں بھی ہَوں زیارت گہِ ملائک
ہماری پلکوں پہ گر مدینے کا خواب اترے
Hamari palkain bhi hon zayarate gah-e malaek
Hamari palkon pe gar Madeene ka khwab utray
رسولِ رحمت شفیعِ محشر ہَوں جن کے آقا
یہ غیر ممکن ہے ان پہ کوئی عذاب اترے
Rasool-e Rahmat shafi' pil mashar hon jin ke aqa
Ye ghair mumkin hai in pe koi azab utray
دیارِ فرقت میں کب سے اشفاق مضطرب ہے
مدینے جائے تو روح سے اضطراب اترے
Diyar-e farqat mein kab se Ashfaq muztarab hai
Madeene jaye to rooh se izterab utray
Share This Naat
Share with friends and family
ربیعِ اول میں موسموں کے نصاب اترے
اشفاق احمد غوری