لفظ ہیں خاک مرے اور زباں مٹی ہے
شاہِ کونین کے شایان کہاں مٹی ہے
Lafz hain khaak mere aur zabaa(n) mitti hai
Shaah-e-konain ke shaayaan kahaa(n) mitti hai
میں بھلا مدحتِ سرکار کروں کس منہ سے
کیا ہے اوقات مری، نام و نشاں مٹی ہے
Mai(n) bhala mad'hat-e-sarkaar karu(n) kis muh se
Kya hai auqaat meri, naam o nishaa(n) mitti hai
فردِ اعمال میں سجدے ہوں اگرچہ لاکھوں
حبِ سرکار نہیں ہے تو میاں، مٹی ہے
Fard-e-a'maal mei(n) sajday ho(n) agarche laakho(n)
Hub-e-sarkaar nahin hai to miyaa(n), mitti hai
آپ کے سامنے مہتاب ہے مدھم مدھم
روبرو آپ کے خورشیدِ جہاں مٹی ہے
Aap ke saamne mahtaab hai madhum madhum
Rubro aap ke khursheed-e-jahaa(n) mitti hai
ان کا دیدار ہے بس وجہِ کشش جنت کی
ان کا دیدار نہیں ہے تو جناں مٹی ہے
Un ka deedaar hai bas wajah-e-kashish jannat ki
Un ka deedaar nahin hai to jinaa(n) mitti hai
ہے جسے آپ سے نسبت وہ زمیں ہے سونا
ما سوا اس کے بلا وہم و گماں مٹی ہے
Hai jise aap se nisbat woh zameen hai sona
Ma siwa us ke bila wahm o gumaa(n) mitti hai
ایک بھی لفظ ہو مقبول تو ناعت کو بہت
ورنہ تمدیح کا ہر کوہِ گراں مٹی ہے
Ek bhi lafz ho maqbool to na'at ko bohot
Warna tamdih ka har koh-e-garaa(n) mitti hai
Share This Naat
Share with friends and family
لفظ ہیں خاک مرے اور زباں مٹی ہے
اشفاق احمد غوری