قربانیوں کا درس دیا ہے بشیر نے
حقانیت کو اونچا کیا ہے بشیر نے
Qurbanion ka dars diya hai basheer ne
Haqaniyat ko ooncha kiya hai basheer ne
مرشد کی سنتوں کو نبھایا ہے عمر بھر
سید میاں کا روپ لیا ہے بشیر نے
Murshid ki sunnaton ko nibhaya hai umar bhar
Syed mian ka roop liya hai basheer ne
کسی کا بس نہیں چلتا ہے حکمِ یزداں میں
بدل سکا ہے نہ کچھ بھی نوشتِ برہاں میں
Kisi ka bas nahi chalta hai hukm-e-yazdan mein
Badal saka hai na kuch bhi navesht-e-barhan mein
وہ روزہ دار، نمازی، وہ قاریِ قرآں
کہ جو شہید ہوا عین وسط رمضاں میں
Woh rozadar, namazi, woh qari-e-quran
Ke jo shaheed hua ain wast ramzan mein
قصور اس کا بس اتنا کہ حق پرست تھا وہ
بہت ہی پختہ تھا وہ اپنے دین و ایماں میں
Qasoor is ka bas itna ke haq parast tha woh
Bohat hi pukhta tha woh apne deen o imaan mein
وہ میرا دوست بھی تھا اور پیر بھائی بھی
بہت سی خوبیاں یکجا تھیں ایک انساں میں
Woh mera dost bhi tha aur peer bhai bhi
Bohat si khoobiyan yekja thein ek insaan mein
وہ سنیت کا مجاہد وہ غازیِ دوراں
فدائے مرشدِ عالی تھا جسم میں جاں میں
Woh sunniyat ka mujahid woh ghazi-e-doran
Fidaye murshid-e-aali tha jism mein jaan mein
نہ جانے کتنوں کو عزت کی زندگی بخشی
مگر شہید ہوا خود مکانِ ویراں میں
Na jane kitnon ko izzat ki zindagi bakhshi
Magar shaheed hua khud makaan-e-weeraan mein
یزیدیوں نے گلے پر چلائیں جب چھریاں
بنا حسین کا نائب وہ طرزِ قرباں میں
Yazeediyon ne gule par chalayeen jab churiyan
Bana Hussain ka naib woh tarz-e-qurban mein
بشیر احمدِ برکاتی زندہ جاوید
شہید مرتے نہیں درج ہے یہ قرآں میں
Basheer Ahmed-e-Barkati zinda javed
Shaheed marte nahi darj hai yeh quran mein
بشیر تم کو زمانہ رکھے گا یاد سدا
تمہارا نام ہے شامل صفِ شہیداں میں
Basheer tum ko zamana rakhe ga yaad sada
Tumhara naam hai shamil saf-e-shaheedan mein
پڑھا ہے مرثیہ نظمی نے اپنے بھائی کا
وَلَا تَقُوْلُوْا لِمَنْ یُّقْتَلُ کی برہاں میں
Parha hai marsiya Nazmi ne apne bhai ka
Wa la taqooloo li-man yuqtalu ki barhan mein
Share This Naat
Share with friends and family
قربانیوں کا درس دیا ہے بشیر نے
سید آل رسول حسنین میاں برکاتی نظمی