خاکِ طیبہ مرے سینے سے لگادی جائے
ہاں بشارت مجھے جنت کی سنادی جائے
Khaak-e-Taybah mere seenay se laga di jaye
Haan basharat mujhe jannat ki suna di jaye
محفلِ نعت پھر اک بار سجا دی جائے
قلبِ دشمن کی جلن اور بڑھا دی جائے
Mahfil-e-naat phir ek baar saja di jaye
Qalb-e-dushman ki jalan aur barha di jaye
ہوش آئے گا نہ دنیا کی دواؤں سے مجھے
نعلِ سرکارِ دو عالم کی ہوا دی جائے
Hosh aaye ga na duniya ki dawaon se mujhe
Naal-e-Sarkar-e-Do Alam ki hawa di jaye
جس پسینے کی مہک مکے کی گلیوں میں رچی
وہی خوشبو مجھے اک بار سنگھا دی جائے
Jis paseene ki mehak Makke ki galiyon mein rachi
Wahi khushbu mujhe ek baar sungha di jaye
ابنِ خطّاب کو فاروق بنایا جس نے
وہی تصویر مرے دل میں بٹھا دی جائے
Ibn-e-Khattab ko Farooq banaya jis ne
Wahi tasveer mere dil mein bitha di jaye
عشق گر جرم ہے پھانسی کی سزا دو مجھ کو
درِ محبوب پہ لیکن یہ سزا دی جائے
Ishq gar jurm hai phansi ki saza do mujh ko
Dar-e-Mahboob pe lekin yeh saza di jaye
یا نبی مجھ کو بھی حاصل ہے غلامی کا شرف
میری نعتوں میں بھی تاثیرِ رضا دی جائے
Ya Nabi mujhe bhi hasil hai ghulami ka sharaf
Meri naaton mein bhi taseer-e-raza di jaye
عشقِ احمد کے سوا اور نہ کچھ سوچ سکے
قلبِ نظمی کو کچھ اس طور جِلا دی جائے
Ishq-e-Ahmed ke siwa aur na kuch soch sake
Qalb-e-Nazmi ko kuch is tor jila di jaye
حشر کے روز میں آقا کی سناؤں نعتیں
رب کہے نظمی کو فردوس میں جا دی جائے
Hashr ke roz mein aaqa ki sunaon naatein
Rab kahe Nazmi ko Firdous mein ja di jaye
Share This Naat
Share with friends and family
خاکِ طیبہ مرے سینے سے لگادی جائے
سید آل رسول حسنین میاں برکاتی نظمی