خدا کے حسن کا پُر نور آئینہ کیا ہے
نبی کے چہرۂ انور کے ماسوا کیا ہے
Khuda ke husn ka pur noor aai'na kya hai
Nabi ke chehra-e-anwar ke masa-wa kya hai
چمک یہ چاند میں، سورج میں یہ ضیا کیا ہے
نبی کے حسن کی خیرات کے سوا کیا ہے
Chamak yeh chaand mein, sooraj mein yeh ziya kya hai
Nabi ke husn ki khairat ke siwa kya hai
کسی کو تیری حقیقت کا کچھ پتہ کیا ہے
خدا ہی جانے شہا تیرا مرتبہ کیا ہے
Kisi ko teri haqiqat ka kuch pata kya hai
Khuda hi jaane shah tera martba kya hai
جسے بھی دیکھیے اس پر نثار ہے ہر دم
جمالِ گنبدِ خضریٰ میں اے خدا کیا ہے
Jise bhi dekhiye us par nisaar hai har dam
Jamal-e-gumbad-e-khizra mein ae Khuda kya hai
نبی کے عشق کا سرمایہ پاس ہے اپنے
سوائے اس کے مرے دل میں اور رکھا کیا ہے
Nabi ke ishq ka sarmaaya paas hai apne
Siwaye is ke mere dil mein aur rakha kya hai
کروں یہ عرض کہ میرا وطن بھی ہو طیبہ
کبھی حضور جو پوچھیں کہ مدّعا کیا ہے
Karun yeh arz ke mera vatan bhi ho Taiba
Kabhi Huzoor jo poochhein ke madd'ua kya hai
لگا کے قدموں کی ٹھوکر حضور، دل سے کہیں
دھڑکتا کیوں ہے اے ناداں، تجھے ہوا کیا ہے
Laga ke qadmon ki thokar Huzoor, dil se kahin
Dhadakta kyon hai ae nadan, tujhe hua kya hai
خراجِ عشق اگر پیش کرنا ہے تجھ کو
جبیں کو در پہ جھکا اتنا سوچتا کیا ہے
Khiraaj-e-ishq agar pesh karna hai tujh ko
Jabeen ko dar pe jhuka itna sochta kya hai
نشانِ منزلِ مقصود ہے، بتا دینا
کوئی جو پوچھے شہ دیں کا نقشِ پا کیا ہے
Nishan-e-manzil-e-maqsood hai, bata dena
Koi jo poochhe shah deen ka naqsh-e-pa kya hai
گلاب، جوہی، چمیلی میں ہے جو خوشبو بسی
نبی کے پاک پسینے کے ماسوا کیا ہے
Gulaab, joohi, chameli mein hai jo khushbu basi
Nabi ke paak paseene ke masa-wa kya hai
طلب کا ہاتھ میں پھیلاؤں در پہ کیوں احمدؔ
وہ جانتے ہیں مرے دل کا مدّعا کیا ہے
Talab ka haath mein phelaon dar pe kyun Ahmad
Woh jaante hain mere dil ka madd'ua kya hai
نبی کی نعت سخن کی ہے آبرو احمدؔ
بغیر اس کے سخن میں بتا مزہ کیا ہے؟
Nabi ki naat sukhan ki hai aabroo Ahmad
Baghair is ke sukhan mein bata maza kya hai?
Share This Naat
Share with friends and family
خدا کے حسن کا پُر نور آئینہ کیا ہے
مولانا طفیل احمد مصباحی