کتنا پر نور طیبہ کا منظر ہے دیکھ
عرشِ رحمت سے بارانِ انور ہے دیکھ
Kitna par noor Tayba ka manzar hai dekh
Arsh-e-rehmat se baran-e-anwar hai dekh
اللہ اللہ حسنِ دیارِ نبیؐ
خارِ طیبہ بھی رشکِ گل تر ہے دیکھ
Allah Allah husn-e-deyar-e-Nabi (ﷺ)
Khaar-e-Tayba bhi rashk-e-gul tar hai dekh
لے کے مژدہ شفاعت کا دنیا میں آج
جلوہ گر شافعِ روزِ محشر ہے دیکھ
Le ke mujda shafaat ka duniya mein aaj
Jalwa gar shafi-e-roz-e-mahshar hai dekh
پھر گئے دن اے دائی حلیمہ ترے
اوج پر آج تیرا مقدر ہے دیکھ
Phir gaye din ae daai Halima tere
Auj par aaj tera muqaddar hai dekh
قربِ خاصِ الٰہی کا پایا شرف
کتنی ذیشان معراجِ سرور ہے دیکھ
Qurb-e-khas-e-ilahi ka paya sharaf
Kitni zeshan meraaj-e-sarwar hai dekh
دشمنانِ نبیؐ ہو گئے جاں نثار
ایسا اخلاقِ ذاتِ پیمبر ہے دیکھ
Dushmanan-e-Nabi (ﷺ) ho gaye jaan nisar
Aisa ikhlaq-e-zat-e-paighambar hai dekh
جسم زخمی نبیؐ کا ہے پھر بھی دعا
لب پہ شہ کے برائے ستم گر ہے دیکھ
Jism zakhmi Nabi ka hai phir bhi dua
Lab pe shah ke baraye sitam gar hai dekh
ملتے ہیں تن پہ آبِ وضو آپ کا
یہ صحابہ کا عشقِ پیمبر ہے دیکھ
Milte hain tan pe aab-e-wuzu aap ka
Yeh sahaba ka ishq-e-paighambar hai dekh
مصطفیٰؐ کے لُعابِ دہن کے طفیل
دور آشوب سے چشمِ حیدر ہے دیکھ
Mustafa (ﷺ) ke luab-e-dahan ke tufail
Door aashob se chashm-e-Haider hai dekh
لاکھ اس کے مخالف ہیں اعدا مگر
جشنِ میلادِ سرکار گھر گھر ہے دیکھ
Lakh us ke mukhalif hain aada magar
Jashn-e-meelad-e-sarkar ghar ghar hai dekh
تو بھی احسؔن مدینے کو چل دل ترا
شوقِ دیدارِ طیبہ میں مضطر ہے دیکھ
Tu bhi Ahsan Madine ko chal dil tera
Shoq-e-deedar-e-Tayba mein muztar hai dekh
Share This Naat
Share with friends and family
کتنا پر نور طیبہ کا منظر ہے دیکھ
احسن اعظمی