کرم جو آپ کا اے سیدِ اَبرار ہوجائے
تو ہر بدکار بندہ دَم میں نیکوکار ہوجائے
Karam Jo Aap Ka Ae Syed-e-Abrar Hojae
To Har Badkar Banda Dam Mein Nekokar Hojae
جو مومن دیکھے تم کو محرم اَسرار ہوجائے
جو کافر دیکھ لے تم کو تو وہ دِیں دار ہوجائے
Jo Momin Dekhe Tum Ko Mehrem Asrar Hojae
Jo Kaafir Dekh Le Tum Ko To Wo Din Dar Hojae
جو سر رکھ دے تمہارے قدموں پہ سردارہوجائے
جو تم سے سر کوئی پھیرے ذلیل و خوار ہوجائے
Jo Sar Rakh De Tumhare Kadmon Pe Sardar Hojae
Jo Tum Se Sar Koi Phere Zaleel o Khwar Hojae
جو ہوجائے تمہارا اس پہ حق کا پیار ہوجائے
بنے اللہ والا وہ جو تیرا یار ہوجائے
Jo Hojae Tumhara Us Pe Haq Ka Pyar Hojae
Bane Allah Wala Wo Jo Tera Yaar Hojae
اگر آئے وہ جانِ نور میرے خانۂ دل میں
مہ و خاوَر مرا گھر مَطلَعِ اَنوار ہوجائے
Agar Aae Wo Jaan-e-Noor Mere Khanah-e-Dil Mein
Maah o Khawar Mera Ghar Matla-e-Anwar Hojae
غم و رَنج و اَلم اور سب بلاؤں کا مَداوا ہو
اگر وہ گیسوؤں والا مرا دِلدار ہوجائے
Gham o Ranj o Alam Aur Sab Balaon Ka Madawa Ho
Agar Wo Gaisuon Wala Mera Dildar Hojae
عنایت سے مرے سر پر اگر وہ کفشِ پا رکھ دیں
یہ بندہ تاجداروں کا بھی تو سردار ہوجائے
Inayat Se Mere Sar Par Agar Wo Kafsh-e-Pa Rakh Dein
Ye Banda Tajdaroon Ka Bhi To Sardar Hojae
تلاطم کیسا ہی کچھ ہے مگر اے ناخدائے من
اِشارا آپ فرما دیں تو بیڑا پار ہوجائے
Talaatum Kaisa Hi Kuch Hai Magar Ae Nakhda-e-Man
Ishara Aap Farma Dein To Bera Par Hojae
جو ڈوبا چاہتا ہے وہ تو ہے ڈوبا ہوا بیڑا
اشارا آپ کا پائے تو مولیٰ پار ہوجائے
Jo Doba Chahta Hai Wo To Hai Doba Hua Bera
Ishara Aap Ka Pae To Maula Par Hojae
تمہارے فیض سے لاٹھی مثالِ شمع روشن ہو
جو تم لکڑی کو چاہو تیزتر تلوار ہوجائے
Tumhare Faiz Se Lathi Misal-e-Shama Roshan Ho
Jo Tum Lakri Ko Chaho Tez Tar Talwar Hojae
گنہ کتنے ہی اور کیسے ہی ہیں پر رحمت عالم
شفاعت آپ فرمائیں تو بیڑا پار ہوجائے
Gunaah Kitne Hi Aur Kaise Hi Hain Par Rehmat-e-Alam
Shafaat Aap Farmaein To Bera Par Hojae
بھرم رہ جائے محشر میں نہ پلہ ہلکا ہو اپنا
الٰہی میرے پلے پر مرا غم خوار ہوجائے
Bharam Reh Jae Mahshar Mein Na Palla Halka Ho Apna
Ilahi Mere Palle Par Mera Gham Khwar Hojae
اِشارہ پائے تو ڈوبا ہوا سورج برآمد ہو
اُٹھے انگلی تو مہ دو بلکہ دو دو چار ہوجائے
Ishara Pae To Doba Hua Suraj Baramad Ho
Uthe Ungli To Mah Do Balke Do Do Char Hojae
ترا تصدیق کرنے والا ہے اللہ کا مومن
ترا منکر وہ جس کو حق سے ہی اِنکار ہوجائے
Tera Tasdiq Karne Wala Hai Allah Ka Momin
Tera Munkir Wo Jis Ko Haq Se Hi Inkar Hojae
مرے ساقی مئے باقی پلادے ایک عالم کو
جو باقی اور پیاسا ہے ترا مے خوار ہوجائے
Mere Saqi Mai Baqi Pilade Ek Alam Ko
Jo Baqi Aur Pyasa Hai Tera Mai Khaar Hojae
تمہارے حکم کا باندھا ہوا سورج پھرے اُلٹا
جو تم چاہو کہ شب دن ہو ابھی سرکار ہوجائے
Tumhare Hukm Ka Baandha Hua Suraj Phire Ulta
Jo Tum Chaho Ke Shab Din Ho Abhi Sarkar Hojae
قوافی اور مضامیں اچھے اچھے ہیں ابھی باقی
مگر بس بھی کرو نوریؔ نہ پڑھنا بار ہوجائے
Qawaafi Aur Mazaameen Achhe Achhe Hain Abhi Baqi
Magar Bas Bhi Karo Noori Na Parhna Baar Hojae
Share This Naat
Share with friends and family
کرم جو آپ کا اے سیدِ اَبرار ہوجائے
مفتی مصطفٰی رضا خان