قصر دل کے مکیں یا نبی آپؐ ہیں
اور کوئی نہیں آپؐ ہی آپؐ ہیں
Qasr dil ke makeen ya Nabi aapؐ hain
aur koi nahin aapؐ hi aapؐ hain
پھول خوشبو ہوا آپؐ کی ہے عطا
بزمِ کونین کی دِلکشی آپؐ ہیں
phool khushboo hawa aapؐ ki hai ata
bazm-e-kounain ki dilkashi aapؐ hain
آپؐ کی زندگی رنگ بھی نُور بھی
عالمِ وجد میں آگہی آپؐ ہیں
aapؐ ki zindagi rang bhi noor bhi
a'alam-e-wajd mein aagahi aapؐ hain
آپؐ جیسا نہیں دوجہاں میں کہیں
کل بھی تھے محترم آج بھی آپؐ ہیں
aapؐ jaisa nahin dojahaan mein kahin
kal bhi the mohtaram aaj bhi aapؐ hain
بزمِ کونین میں باغِ دارین میں
سب کے سب مُبتدی منتہی آپؐ ہیں
bazm-e-kounain mein bagh-e-daarain mein
sab ke sab mobtadi muntahi aapؐ hain
تا بہ حدِ نگہ بارہا یوں لگا
جیسے چاروں طرف آپؐ ہی آپؐ ہیں
taa be had-e-nigah baarha yoon laga
jaise charon taraf aapؐ hi aapؐ hain
Share This Naat
Share with friends and family
قصر دل کے مکیں یا نبی آپؐ ہیں
انجم نیازی