قافلہ سوئے مدینہ آرہا ہے ہو کرم
سوزشِ سینہ عطا ہو یانبی دو چشم نم
Qafila soye madina aa raha hai ho karam
Sozish-e-seena ata ho ya Nabi do chashm nam
قافلہ اب’’ چل مدینہ‘‘ کا چلا سوئے حرم
یا رسولَ اللہ! سب پر کیجئے چشم کرم
Qafila ab ''chal madina'' ka chala soye haram
Ya Rasool Allah! sab par kijiye chashm karam
قافلے میں ’’چل مدینہ‘‘ کے ہیں جتنے بھی شریک
سب پہ ہو رَحمت خدا کی مصطفی کا ہو کرم
Qafile mein ''chal madina'' ke hain jitne bhi sharik
Sab pe ho r-rahmat Khuda ki Mustafa ka ho karam
شاہِ والا! میں گنہگاروں کا بھی سردار ہوں
تم شہِ ابرار ہو یا سید عرب و عجم
Shah-e-wala! mein gunahgaron ka bhi sardar hoon
Tum shah-e-abrar ho ya Syed Arab o Ajam
فضل رب سے آپ تو ہر چیز کے مختار ہیں
عرشِ اعظم آپ کا ہے، آپ کے لوح و قلم
Fazl Rab se aap to har cheez ke mukhtar hain
Arsh-e-azam aap ka hai, aap ke loh o qalam
یانبی! مجھ کو بنادو تم مدینے کا فقیر
میں نہیں، ہرگز نہیں ہوں طالب جاہ و حشم
Ya Nabi! mujh ko banado tum madine ka faqeer
Main nahi, hargiz nahi hoon talib jah o hashm
یانبی! ہم کو شفاعت کی عطا خیرات ہو
عاصیوں کا آپ کے ہاتھوں میں ہے آقا بھرم
Ya Nabi! hum ko shafaat ki ata khairat ho
Aasiyon ka aap ke haathon mein hai aqa bharam
گنبد خضرا کو چومے جس گھڑی میری نظر
کاش! اُسی دم دیکھ لوں میں جلوۂ شاہِ اُمم
Gumbad khizra ko choome jis ghari meri nazar
Kaash! usi dam dekh loon main jalwa-e-shah-e-umm
دم لبوں پر آگیا عطارؔ کا یامصطفی
ہو کرم شاہِ حرم! نکلے ترے جلووں میں دم
Dam labon par aagaya Attar ka ya Mustafa
Ho karam shah-e-haram! nikle tere jalwon mein dam
Share This Naat
Share with friends and family
قافلہ سوئے مدینہ آرہا ہے ہو کرم
الیاس عطار قادری