اگرچہ ذکرِ خُدا صُبح و شام کرتا ہُوں
مگر حیات ، مُحمّؐد کے نام کرتا ہُوں
Agarcheh zikar-e Khuda subah o shaam karta hun
Magar hayaat, Muhammad ke naam karta hun
درود بھیجتا ہُوں مَیں ہزار بار اُن پر
جو ایک بار سجود قیام کرتا ہُوں
Darood bhejta hun mein hazaar baar un par
Jo aik baar sujood qiyaam karta hun
وہ عرشِ مصطفوؐی سے جھلک دِکھاتے ہیں
مَیں طُورِ ذات پہ اُن سے کلام کرتا ہُوں
Woh arsh-e Mustafawi se jhalak dikhaate hain
Mein toor-e zaat pe un se kalaam karta hun
وہیں سے مُجھ پہ کرم اُن کا ہونے لگتا ہے
طلب کا اپنی جہاں اختتام کرتا ہُوں
Wahin se mujh pe karam un ka hone lagta hai
Talab ka apni jahan ikhtitaam karta hun
زبانِ قلب پہ جاری درود رہتا ہے
کوئی بھی کام کروں یہ بھی کام کرتا ہُوں
Zubaan-e qalb pe jaari darood rehta hai
Koi bhi kaam karun yeh bhi kaam karta hun
محاذِ نفس پہ سُنّت کی سربراہی میں
قَسم خُدا کی ، بڑا قتلِ عام کرتا ہُوں
Muhaaz-e nafs pe sunnat ki sarbraahi mein
Qasam Khuda ki, bara qatl-e-aam karta hun
خُدا کے بعد بڑا ہے کوئی تو بس وہ ہیں
مَیں اُن کا سب سے سوا احترام کرتا ہُوں
Khuda ke baad bara hai koi to bas woh hain
Mein un ka sab se sawaah ehtiraam karta hun
براہِ راست مظفّؔر حضور سُنتے ہیں
مَیں حلق سے نہیں دِل سے سلام کرتا ہُوں
Baraah-e raast Muzaffar huzoor sunte hain
Mein halq se nahi dil se salaam karta hun
Share This Naat
Share with friends and family
اگرچہ ذکرِ خُدا صُبح و شام کرتا ہُوں
مظفر وارثی