ایماں کی نگاہوں سے مومن نے جدھر دیکھا
اللہ کی رحمت کا فیضان ادھر دیکھا
Eimaan ki nigahon se momin ne jidhar dekha
Allah ki rehmat ka faizaan udhar dekha
کردارِ پیمبر کا باطل نے اثر دیکھا
اخلاق کے پیکر میں ڈھلتے ہوئے شر دیکھا
Kirdar-e-Peyamber ka batil ne asar dekha
Ikhlaq ke paiker mein dhaltay hue shar dekha
دنیا نے شبِ اسریٰ وہ وصفِ بشر دیکھا
لمحات میں طے ہوتے صدیوں کا سفر دیکھا
Duniya ne shab-e-asra woh wasf-e-bashar dekha
Lamhaat mein tay hotay sadiyon ka safar dekha
گویا کِیا جیتے جی دیدارِ بہشت اس نے
جس عاشقِ سرور نے سرکار کا در دیکھا
Goya kiya jeetay ji deedaar-e-bahisht us ne
Jis aashiq-e-sarwar ne sarkar ka dar dekha
سرکار کا دیوانہ جب پہنچا مدینے میں
رحمت کا حسیں منظر تا حدَّ نظر دیکھا
Sarkar ka deewana jab pohauncha madinay mein
Rehmat ka haseen manzar ta had-e-nazar dekha
جو ہوگئے وابستہ سرکار کے قدموں سے
ان ذروں کو دنیا نے صد رشکِ قمر دیکھا
Jo hogaye wabasta sarkar ke qadmon se
Un zaroon ko duniya ne sad rashk-e-qamar dekha
ہجرت ہو خلافت ہو خطرات نے جب گھیرا
صدیق کو باطل نے بے خوف و خطر دیکھا
Hijrat ho khilafat ho khatarat ne jab ghera
Sadiq ko batil ne be khauf o khatar dekha
پھر ایسی نہ دنیا میں تمثیل نظر آئی
تاریخ کی آنکھوں نے وہ عدلِ عمر دیکھا
Phir aisi na duniya mein tamseel nazar aayi
Tareekh ki aankhon ne woh adal-e-umar dekha
اس دہر نے دیکھے ہیں عالم میں سخی لاکھوں
عثمانِ غنی جیسا اب تک نہ مگر دیکھا
Is dehr ne dekhe hain alam mein sakhi lakhon
Usman-e-ghani jaisa ab tak na magar dekha
تسخیرِ درِ خیبر ہوتے ہوئے باطل نے
حیدر کی شجاعت کا انداز دگر دیکھا
Taskheer-e-dar-e-khyber hotay hue batil ne
Haider ki shujaat ka andaaz dagar dekha
معراجِ حیات اس کو ہوجائے گی جیتے جی
اک بار درِ آقا احسؔن نے اگر دیکھا
Meraaj-e-hayat us ko hojayegi jeetay ji
Ek baar dar-e-aqa Ahsen ne agar dekha
Share This Naat
Share with friends and family
ایماں کی نگاہوں سے مومن نے جدھر دیکھا
احسن اعظمی